Helat stêra şivana
Bayê sibê çi xweş tê
Gazî bikin bêrîvana
Ronî ji rûyê geş tê
***
Werin da reşmala rakin
Li ser pişta hespa kin
Pargînek dî avakin
Payzê em ê werin
De werin biçin zozana
Piştê bidin germiyana
Cihê giya li çûka
Kêfa mezin û biçûka
Dîlana zava û bûka
Sîtil û beroşa bînin
Firşik û hêvên lezînin
Bikin mast û penîr
Ya mayî bi meşkînin
Bînin şînbozê min
Rim û mertalê min
Da linga bikim rikêbê
Desta bikim desgînê
Hespê xwe bidim cidîda
Pargîn biparêzim tev egîda
Xweşkin warê jiyanê
Berî biçin nemanê
Berê xwe bidin warê jorî
Berçêlan û zozana
Cihê keyf û seyrana
Piştê bidin germiyana
Pêşî û toza keriya
Silavê bidin herekolê
Kulîlka berfê şîn û morê
Pargîn biparêzin bi dorê
Payza bê em ê werin
Ev der cihê mîra ne
Ev der warê Kurda ne
Ji mîtan û loliyan
Ji kardox û kotiyan
Heta hebin jîndî ye
Ev warê jîna Kurdî ye
Şîrove (0)