Reşroj…!


Mihemed Hesko (birasoz)

Heşdehê avdarê, tu çi reşroj î
Him dil û him cegera me disoj î
Xençerê kuştina  me, tu çi tûj î
Hebûn û nemana me jî dikuj î

Çar salin, Efrîn can birîndar e
Çar salin bi qîrîn û bi hawar e
Çar salin dirindeyî lê dibar e
Çar salin bê newroz û bê bihar e

Birîna Efrînê kûr û xedar e
Dinale bi êş û jan, zare zar e
Lawên wê  pijiqîn, çi tarûmar e
Bê şûn û sêwî man li ber dîwar e

Revde xweşîyan bi ser me de hatin
Gurên devbixwînin, kewên rebatin
Dilkor û kîndarên me li hevhatin
Erebên diz, tirkên xwînî û tatin

Çavan veken, pêre dengê xwe hildin
Kurdên azadîxwaz, milan bi mil din
Hêza hêvîyan bi can û bi dildin
Çavên xwe bi vegra welêt kildin

Efrîn rûgeha dildaran bindest e
Ji ber jana bindestîyê sermest e
Bo roja azadîyê hêza  hest e
Bi xemil û rewşa xwe, xweş helbest e
     *********
Almanya, 27.03.2022

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…