Xêre ez ji helbestê hez dikim?


Ebdilmecît Şêxo

Di rojên
Bajarê xwe de
Ez piyasê dikim
Pişta min qiloç dibe
Lê ne ji ber bara  
                      Tenên zêtunê
                      Bara henaran
                      Û seleka tirî

Tenê ji ber  barên derd û êşan
Gava ez helbestekê bi bîra xwe tînim
Pêlên  êşa dilê min
 Dîsan hêmin dibin.

 Di êvaran de
 Rûdinim
Diponijim
Êş ji her aliyekê de
Min gez dikin
Min dixwin
Kovan min dişewitînin
Raman min sermest dikin
Lê dîsan ez helbestekê dixwînim

Ewa giyana min sernûve vedijîne

Bi sibehan ez zû şiyar dibim
Bêhêz û bêqîret dibim
Di ber  fîncana qehwê re
Dîsan ez  helbestek Şêrko Bêkes
                                             Dixwînim
Vê carê
Ez dibim
Mîna perçak nanê sêlê
Di devê zarokekî  birçî de
Pişta min dibe derguş û Lange
Ji zarokekî sêwî re.
Çawa ezê ji helbestê heznekim .?

Di rojên
Bajarê xwe  de
Ez piyasê dikim
Li dewsên  çavmamizan  
                    Bejinpilingan
Ez tenê biznên reş
Û bejnên maromîro

                                                           -3-

Li kolanên min diçêrin  
                           Dibînim
Ez dîsan helbestek Ebdela Peşêw
                                           Dixwînim
Hemû bêzariyên min  dişwetin
Çeql û gor ji tirsa peyvê re
                                         Direvin
Vêca ezê xêre ji helbestê
                                    Heznekim!!! ???.
Eger ez gulek çelimisî
Di guldana dilekî de dibînim
Ez(Sebahul xeyr xanima min)
Ya Mileyê Cizîrî dixwînim
Û gula xwe dîsan vedijînim
Ez zanim  ewa jî, ji min hez dike
Carcaran bêsoz serdanê
Li min dike
Xêre, çima û çawa
Ezê ji dîlbera delal
                    Heznekim  ???

 Efrîn.2019
 

شارك المقال :

Leave a Reply

Your email address will not be published. Required fields are marked *

اقرأ أيضاً ...

Nivîskar Konê Reş pirtûka “Cizîra Binxetê û Jîyana Rewşenbîrî” li Qamişlo imza kir. Roja duşembê 10.02.2025 Yekîtiya Rewşenbîrên Rojavayê Kurdistanê (HRRK) li bajarê Qamişlo merasîmeke îmzekirina pirtûkê bi navê “Cizîra Binxetê û Jîyana Rewşenbîrî”, ya nivîskar û helbestvanê kurd Kunî Reş li darxist.
Konê Reş rewşenbîr, nivîskar û helbestvanekî kurd e, di sala 1953an…

Zagros Osman
Endamê Desteya berê ya Aqilmendan û Serokê Navenda lêkolînên stratejîk û şêwirmendiyê Abdurrahîm Temel bû mêvanê kenala Rûdaw TV û ji bo pêvajoya nû a di navbira Tirkan û Abdullah Oçalan de Rêberê Partiya Karkirên Kurdistan PKK yê girtî axivî, û diyar kir ku 6 Vîdeoyên Oçalan hene, di destên Dewletê û DEM…

Konê Reş

Rêwiyo!

Kes weke min

Sikak û kolanên

Bajarê min nas nakî;

Ez dizanim

Kîjan meyxane li kû ye

Kîjan çayxane li kû ye û

Kîjan bazarxane li kû ye..

Tariye..

Tariyê bi ronahiyê

Naguherînim

Ez kiryarê ronahiyê…

Xizan Şîlan

her şev

hestên min yên tevzînok

di nalîna stranên keserkûr de

mest dibin

qedera sersem

li nav qermîçokên eniya min

konê xwe vegirtiye

bêşansiya salên kambax

xwe li stûyê şadiyên min

alandiye

ji asîmanên bihara rengîn

xwelî…