Birahîm Mehmûd
Rojava
Rojava
Saloxên Rojava
Xakek ji demên beravêtî
Ji neqşeyek ji destxweçûyî
Zimanek ji xwe dûr ketî
Pirtûkek ji xwe bazdayî
Steyrikên ku di xwînê de mane
Dibe asîmanek melûl pirr melûl bêzar hilweşiyaye, dibe perçeyek ji asîmanek hefta bê xwedî
Sed ji sedî bin dem bûye
Rêyên ku ji bumbên navdil qetandî bûn
Li ser qiraxa helbestek ji xwe bi hêvî li ber xwe didin
Darbestek vekirî, rûberê wê girtiye
Belê ,Rojava Rojavaye
Navek miçiqî bi serê xwe di nav navan de
Dengek ji dil veqetyaye
Masiyek bi ava xwe şanebû
Deriyek pêşeroj bi ser xwediyên xwe de diqîre
Dengvedanek ji xwe tore bûye
Binêrin Rojava Rojava
Kaniyên melisî
Hêviyên çilimisî
Miinmiîkên kelogirî bi ser kulîkên xwekuştî
Deştên bêhnçikandî ji demek reşgirêdayî
Zivistanên sincirî li ser xwînên nûhatî û bê war
Guhdarbin, Rojava Rojava
Ew in kurd in , kurd
Li ber qiraxên hêviyan, sirûdên rojên xwe dihûnin
Li ser sînorên madtirş xwe di goran de diwerkin
Şevreşên tarî, navên wan ezberkirine
Qaçaxçiyên bi hemî zimanan barçemokên xwîna wan in
Li pey xwe temenek rizyayî hiştine
Li pey xwe welatek biyanî biyanî hiştine
Ew in ku bûne niştejiyên hemî welatan
Jiyan li wan tengbûye
Qozên nîşangirtî di destên biyanî de
Temenê wan bi hezarên salan
Û hîna zikişkîne
Bi xakek ne xak
Û asîmanek ne asîman
Dostên mezin mane dijmin????!!!!!!!
Şîrove (0)