XEMGÎN Ê REMOPiştî gurzek helbest
Û çend salan
Û piştî çend qonaxê din
Û dem-salan
Tê bawer bikî ez dilvanê teme
Ey lehenga romana
Min hîn ne nivîsî …?
Payîz diçin
Buhar tên
Û zozan û germîyanê dilê min
Tim wargeh û hêlîna te ye
Lê tu …
Ne çivîkek mişextî ye
Ne jî pezkovî yek çîyayî ye
Geh dûr û wenda ye
Geh nêzîkî çav û desta ye
Destarê demê jî
Dilînî yê min dihêrin
Û ezê nizanibim
Piştî çend havînê din
Wê dilê te bibe gola Wanê
Bo avjenî yê min … ?
Buhar tên
Û zozan û germîyanê dilê min
Tim wargeh û hêlîna te ye
Lê tu …
Ne çivîkek mişextî ye
Ne jî pezkovî yek çîyayî ye
Geh dûr û wenda ye
Geh nêzîkî çav û desta ye
Destarê demê jî
Dilînî yê min dihêrin
Û ezê nizanibim
Piştî çend havînê din
Wê dilê te bibe gola Wanê
Bo avjenî yê min … ?
Wê kengî
Dergehên dêra Extûmarê
Li min vebin ?
Ku mîna Metran Îsa
Ez cîhana jêrîn li dûv xwe bihêlim
Û sîbera te bikim bînvedan
Ev rojî heta kengî ?
Min divê ez tîhna xwe bişkînim
Sibeh û êvaran
Tenha bi du peyal lîlava Ararat
Û çima li min tu sersarî
Ne sozdarî … ?
Temen bi dem-sala re diherin ….
Û hîn jî
Kanî ya pênûsê
Helbest dizên
Tîp dibin perwane
Û xwe li gulîstana te digrin ….
Qamişlo /20/2/2007
Şîrove (0)