Nalînek tê ji çiyayên Hawar.
Gund û bajar bûn kavil û dijwar
Barek girane li ser milê min
Dane ser hev sed ahîn û kulên min
Gel ji welat derketin çûne dor.
Abûdan û şêxorzê û qestel
Jarê û qurnê û şarê bilibil
Bi yek can û dil da çêkin civat
Bi daxwaz û lava natê felat.
Bi qîr û firyad nalîna welat
Rabin serxwe,ev çaxa xebat.
Qelenga te ne zêr û cewhere
Xwîna sor, bûka te werê dere
Wek mîtan û horî serî hilde
Efrîn şiyar be ji xewê berde
Xort û keçên te şêrê çelengin
Kalên te şepalin û lehengin…..
Em tev zanin ser gunda azare
Azadî tê li meha……..buhara
Eger bav û bira , ne li hevbin
Mêrê dayka te , Ereb û Tirkbin.
Ege tu bi va ton , awa razî
Xulî li serê te ey kepezî….
Ez zanim dîroka te mêr anîn
Tu jî wek wan be bi hêz û zanîn.
Bûka te xwe da ber xeml û şemla
Ji destê xwe bernede ey xuda….
Kurdistan neyaze her kes dixwazî
Hezar sal li ser min ….cengebazî
Binêre derdora te gul naze
Tirk û Ereb serê te dixwaze.
Kel, horî û sem`an sêwî ma
Bira li bira da pişta hev şika
Tevdem û encûman li hevxistin
Dijmin mala we tev da rêşkirin.
Hûn şêrin ,lê rovî ket koza we
Mirîşk dizîn şikandin boza we
Kanî li hewlêr soza we danî
Hûn hatin wekî tîtî li banî
Her kes ji bona xwe dikale
Gelî kurd ji bîrînê dinale
Kalê heftê salî bilind bankir
Kurdino rabin xebat dest pêkir
Ey nifşên nû bixwînin bi serbest
Da ku hûn welat rakin ji bin dest.
Kurdistanê paqijkin ji dizan
Ji nûkeran û ji kesên erzan
Ey nevînên kurd bêje te xêre
Bi hîn û xwendin , zanîn zêre
Tavê buharê berxudana jînê
Geniya cahşoka dibê ji kînê
Yek car were guhdar be li sîper
Nikanin ji te bistînin yek per….
Karê mezin bike, ne karê çûk
Kes nema ji te bibê hevdak mûk
Hemo kurd li ser şopa te derin
Welat perwerin, li cengê şêrin
Efrîn,Hemrîn,Hindirîn hem şêrîn
Şewq û şemala te daye mizgîn
Bi tac û kovî ezê bibim bûk
Li binda zava bimînim ken rûk.
Ez bûka Kurdistan im rûmetdarim
Xudî namûs û şerf……..dildarim
Malê lê nikarê bibe xudan……
اeqel û rovî lê dibin serdan
Sêsid û şêst û şeş gulin şînin
Cotkar û şivan dijmin dertînin
Şîrove (0)