ŞINGAL

Burhan Hesso

Kê ji bejna te çinîn maçên gewez
Ji beja wê sîngê,tirî tev rez
Kê dada hilma bîhoka
Kê birrîn memik ji kokan
Ejdehên tariş û yasax
Kanya Spî dane gez
Kê ERŞÊ Xwedê hejand
Çarya riwê te qetand

Kê biryar da
Kê pilan
Kê xefk û tabî vedan
Kê mirovahî,terazû û qapankir
Ser bi ser da bi peran
Dan ber difnê ker û hirç
Gula helez
Kê bişav,şîleya ax a Ahoyan
Şerperez
Kî ji xinizyê vemist
Kê şîlû kir
Av û ba
Kê navê Xwedê li ber pîrozbahiyê veda
Kî ji Dûv re bû geda
Kê tu bê himber tu da
Kî yê çû?
Kî yê ma?
Her ew çûn
Her tu ma
Bûn qirşik û qesele
Tu tekûz î
Tu tewez
Ehrêman ket lerizî
Her tu mayî
Her tu mayî
Tu Hirmez
Tu Hiemez.

2.8.2020