Qamishlo

Nayif çolo

Ji min re ne bêje ez hej te nakim
Tuyî nixûrya hestên min
Dema dilê min dest bi çinîna
Awazên bedewiyê kir
Û
Tu bûyî stirana  jenînê

Çavên min bejna te kiriye kirasekî

hevirme
Her dîlana buhuriya te
Bi kilê xweziyê ji kildana kêfxwşiyê
Seranserî wî xêzên dilbijînê kil dike
Ma tu nizanî ku dîtina te dibe gûrîz li pişta êşa bêrîkirnê
Nehêle paya te bibe giyankêşê hebûna min
Li ser pira finca te
Dema tu pejna xwe dike tak rihana pîroz
Ku ji ava keçikaniya çavan hatiye
Avdan
Her min nebîne geda rûte ji kinçên çaran
Ezim roka sibehan ku porê te dike zêrê çirisandî
Di çavên qîzên bêhempa
Û
Navê te dikim helbestek di dîroka maldarên spehîbûnê ku sorperî ji wan re dibin bê qal.
Asîmanê bedewbûna te navdar nabe
Bêyî sitêrkên pesindariya min
Û
Roka aramiya min ji bo hejkirina te
Li rojava ne meyînim
De were dest vala ji xişirên paya xwe em bi hevre bi zêrên evîniyê bixemilînin.