Dil li ber te ye ber te ye ceger
Gerden zera min xoba rû fener
Dêm bexçê gul e , dev dur û gewher
Beijin balayê ji tayê erer
Şêrîn zarî tu qendî ser ziman
Ji bilî nîn e dara û saman
Zemîn pir şa ye kû tu hêj li ser
Jêdera ristan helbest û hozan
Bûka welatî kanî û zozan
Firişta canî ji êl û hozan
Bextewarim ez kû tûyî dilber
Ji bo te ev dil hîna lê di xê
Ji bo te gerdûn rokê pê dixê
Li ber te sorgul serî da di xê
Ji buhiştê tu horiyek bi per
Tu rengê berfî ser gulan xunav
Hingivê şanî sing penîrê xav
Ne bes dil û cerg ser wan, didim çav
Heme li ber min wisa here wer
Tu nirgizekî li serê çiyan
Bihna xwe berda derûn û giyan
Ez dewlemendim tûyî sermiyn
Ber perîşanbim dûrî te bê şer
Kevoka sipî ser banê aştî
Ji bo te min jîn û jî guvaştî
Li pêşya te min çiya qelaştî
Li ser sînga min bi kole çeper
Piyanek bade serê min bada
Bere bigerê ji vir û hade
Bi min re vexwê mey perîzade
Ser mest herin em cîkî bê veger
Ji bin zinaran bin lat û kevir
Were cîhanek dinê ji spihir
Emê hiş deynin bi kevin bi sir
Bi noşe bi noşe şûşa bi guher
Laş bi kin dîlan wek pêl û leylan
Herin govenda gul û sumbulan
Li noqê badin destan û milan
Me jev venekê ti ah û keser
Qamişlo17.10.1997
https://www.facebook.com/gurkan.elhac/videos/10219805903674277/
Şîrove (0)