Tengezarê MarînîRojan bêy te dibuhurînim,
min têderxist,
rêça ber bi te ve,
bêav e
ez mişt rondik im,
Spas
bi rê ve diçe
hêdî hêdî,
navê wê dizanim
bi navê wê bang dikim.
Ronî
Sîber
Nemukurhatin
Nuxmandin
Kovî
Pêjna bayî dikim,
pêjna dengê te
li pey te
sîber vêdekeve,
xewn xurrû ye
ronî parçe dibe
giya dilive
mêvanê xewnê ye,
fîgur
ahîna rojê
pêjna dengê te
spas.
Duhok, 05.05.07
———-
Dengvedan
Şev,
dibihîzî?
Nuha şev diçe
Li daran xwe dialîne,
straneke bêdeng
şemalk û bayê payîzê
tu dengê şevê dikî?
Di darê de, şev dijî,
destan dihejîne
bêdeng,
şev diqîre,
xewna min dinivîse,
şev têt ji bo biçe,
şev firîna balindeyan tomar dike,
kurte-pista belgan.
Şev digirî,
bêdem,
bêjivan
elenda şîn dilîze,
dar têdigihe,
li xwe mukur nayê,
xewnan dibîne
û di min de şev dijî.
Duhok, 03.05.07
Şîrove (0)