Idrîs Hiso
Rojhilatê Feratê bigiştî û Rojavayê Kurdistanê bi taybetî di qonaxek hestiyar de ye, û bi nêzîkbûna bidawîbûna serê li dijî DAIŞê li Sûriyê û avêtina gavan ber bi dariştina destûrekî nû bo Sûriyê û çareseriya siyasî li wî welatî hîna jî rewşa gelê kurd û pêkhateyên kurdistanî di metirsiyê de.
Tevger û civata kurdî ne li gorî rewşê û pêşbîniyên ku tên kirin ne.
Bi germî behsa durustkirina herêmek ewle li Rojavayê Kurdistanê û bakurê Sûriyê tê kirin, diyare Tirkiyê û Amerîka li ser vê yekî lihev kirine lê li gorî daxuyaniyên herdu aliyan diyare rêkeftina herdu aliyan bi tenê li ser durustkirina vê herêmê ye, lê rêkeftin li ser hurgiliyan nebûye.
Ji aliyekî din ve jî Rûsiya pilana xwe ya taybet bi Rojhilatê Feratê heye ku dixwaze artêşa rêjîma Esed deverê bigre û ew dever jî mîna deverên din têkeve bin deselata “Dewleta Sûriyê” wek ew dibîne û dibîne ku pêwîst e hemû hêzên biyanî ku ne bi destûra rêjîma esed derbasî nav xaka Sûriyê bûne vekşin.
Bi her halî bêhtir ji sînaroyekî heye ku wê herêma ewle li gorî wê were birêvebirin, lê pirs ew e wê çarenivîsa kurdan û pêkhateyên herêmê, ji Siryan, Aşûrî, Ermen û pêkhateyên din ci be?
Bê goman çarenivîsa pêkhateyên herêm bi çarenivîsa gelê kurd ve girêdayî ye, ango mirov dikare bêje çarenivîsa kurdan û pêkhateyên resen li Rojavayê Kurdistanê û Rojhilatê Feratê pêkve girêdayî ye.
Aya li pêşiya her sînaryoyekê çi ji pêkhateyên herêmê tê xwestin?
Bê goman pirsgirêka kurd kêm zêd e bûye pirsgirêkek navdewletî û bêyî çareseriya pirsgirêka kurd helbet ti gerentî ji pêkhateyên din re jî nîne, lewma divê kurd berî her tiştî yekrêziya xwe pêkbînin û piştre jî li gel pêkhateyên resen ên herêmê bereyek niştimanî pêkbînin bi helwêsteke hevgirtî û yekrêzî berê xwe bidin zilhêzên cîhanê da ku karibin paşerojek aram peyda bikin.
Ji bo vê yekê ji tevgera kurdî berî aliyên din têxwestin ku pêngavên cidî û li ser bingeha parastina berjewendiyên stratîjîk werin avêtin da bi rastî karibin bibin hêzek li deverê beramberî hêzên dagîrker mîna Tirkiyê û Rêjîma Esed û paşeroja xwe biparêzin.
Hewlêr 18.01.2019
Bi her halî bêhtir ji sînaroyekî heye ku wê herêma ewle li gorî wê were birêvebirin, lê pirs ew e wê çarenivîsa kurdan û pêkhateyên herêmê, ji Siryan, Aşûrî, Ermen û pêkhateyên din ci be?
Bê goman çarenivîsa pêkhateyên herêm bi çarenivîsa gelê kurd ve girêdayî ye, ango mirov dikare bêje çarenivîsa kurdan û pêkhateyên resen li Rojavayê Kurdistanê û Rojhilatê Feratê pêkve girêdayî ye.
Aya li pêşiya her sînaryoyekê çi ji pêkhateyên herêmê tê xwestin?
Bê goman pirsgirêka kurd kêm zêd e bûye pirsgirêkek navdewletî û bêyî çareseriya pirsgirêka kurd helbet ti gerentî ji pêkhateyên din re jî nîne, lewma divê kurd berî her tiştî yekrêziya xwe pêkbînin û piştre jî li gel pêkhateyên resen ên herêmê bereyek niştimanî pêkbînin bi helwêsteke hevgirtî û yekrêzî berê xwe bidin zilhêzên cîhanê da ku karibin paşerojek aram peyda bikin.
Ji bo vê yekê ji tevgera kurdî berî aliyên din têxwestin ku pêngavên cidî û li ser bingeha parastina berjewendiyên stratîjîk werin avêtin da bi rastî karibin bibin hêzek li deverê beramberî hêzên dagîrker mîna Tirkiyê û Rêjîma Esed û paşeroja xwe biparêzin.
Hewlêr 18.01.2019
