Were binêre kanî eywan.
Tevde bûne kavil û wêran.
Li cîhanê, em mane vê bext
Derdora me, mane kesên sext
Gava me berda serar … û tac
Dijmin ji me kuştin zanawer
Bin destê hova …… û cinawer
Ji we dizîne …. pênûs û çek
Çar gur li serê te bûne yek
Berî zayînê bi nav û deng
Niha lawaze. Li şer û ceng
Te dane ber nîşan û armanc
Zaz û lor û soran tev kurmanc
Tu bûye lîstika ber desta
Ji bona xwe li te dipirsa
Ev hemî salan hûn xebitîn
Para we dijmin hemî dizîn
Dîrok û kultûr tev guhartin
Li ser şopa xwe hemî hêştin
Ji kurda kes nema beg û mîr
Çav girtin, bon kole û esîr
Em bûne kilav binî lingan
Herin derin xwerin goşt û nan
Birçî û tazî ……… dikavêje
Çerm û hestî ber roj dibrêje
Ji hişên me yên zingar û hişk
Ax me ser xweda da mîna mişk
Ji bona hev em wekî şêrin
Li xebatê mîna qeşmerin
Dest ji dijmin berdan bona hev
Rê li hev girtin bi roj ….. û şev
Bi dev û lêva êrîş û riswa
Xwe dan hember hev mîna sega
Bêje çi sûde te dî ez benî
Te em kirin leqloq li binî
Piştî em mîrê cîhanê bûn
Îro ji karê we windabûn
Ji bo tu bimîne sikreter
Bo rûnê ser kursiya mermer
Xulî li te dûvçilkê dijmin
Te bir eywanên welat jimin
Te ez kirim bin dest û xizan
Hêfa serê kurdên candan
Xwîna şehîdan hildaye jor
Zozan û xelat bûye reng sor
Lê dem naçê ezbenî wiha
Ez sîperim bi sed û diha
Ji ban xwe berdim li ser rovî
Nêçîrvanim, rêya ……. azadî
Ji bo welatê xwe dibazim
Doza serfirazî dixwazim
Dîsa ezê bibim mîr û mahîr
Li welat bibin sîperê …. jîr
