Şêrzad zeynelabidîn
Ey dilê min
Çavên te derya hizrane
Her bi êk dîtin
Dil ji min bir kir talane
Bişkurrîna li ser lêvên te
Hizar û êk pirs jê dibarin
Berperrê kul û xemane
Ji cadogeriya Monalîza
Wêvetire
Ka çi pirse çi ramane ?
Êşa milletekê jêr dest
Dê jê rakem jê helînim
Hawara Ehmed ê Xan î
Dê vejînim
Ji ewê mêwê
Nemamekê Bo paşerojê
Dê çînim
Ne falçî me
Lê rastiyê dibînim
Bişkurrîna li ser dêmê te
Pertûkeka vekiri ye
Rêz bi rêz dê vedem
Xûnim
Dirrk û dala
Ji asmanê jîna te
Dê derkem
Rateqînim
Piştî van
Ewr û bahoza
Piştî gerdelol û toza
Rojeka geş
Her dê înim
Eger na ma boçiye
Ez bijîm
An ez bimînim .
05/11/2017
Şîrove (0)