Narîn Omer
Niknika baranê
li pencerê di wê şevê de
tevlî çikçika tiliyên te
dibû
dibû
tike tika larzandinê
dîlana Koçerî û Botanî
li ser ritma dil
geştir dikir û
bi tevzînokên bahozê re
tevizandina kenê me
bi hêz û bizav dibû
Belê…
Barana dil
mîna sirûşta xakê
rengereng dibe
piyama dilovaniyê
dirêse û belav dike
Dibêje…
Dil xweze ye
Xweze dilê evîniyê
rengîn dike.
Şîrove (0)