Ronî ELÎ
Yarê …
Berî çend rojan .. Çend salan
Gupgupa çavên te
Pirpirînkên şeydê
Di govdeyê min de
Şiyar kirin
Û di navbera çar dîwaran de
Bûme akinciyê welatekî
Bi Aleke
Ji rengê lêvên te
Û sirûdeke
Ji fîxana dilê xwe
Yarê …
Sêpiya Şevê
Hîn rondikên rojê diklîne
Û ji bilî kuzotê
Ti tişt
Bi devê Meşkê nakeve
Hele were
Ka carekê bi Sosinan re
Em peyman hevsoziyê girêdin
Dibe ku di Biharên bên de
Nivîşkê sibehê
Ji evîna jiyanê re
Bibe berhema guvaşan
Yarê …
Li banga min
Rewrewa Segên berdayî
Xwedî derketin
Hîn jî lêvên te
Ji ramûsana xwenan
Şiyar nebûn
Birçîne li ber destên te
Nèrgizên sawiran
Ma kengî
Di pêsîra xwe de
Wan av bidî
14/1/2017
Şîrove (0)