Senar (Mûsa Qulîkî Mîlan)
Tewrêz
1373
1373
Belgên
gulê çilmisîne!
gulê çilmisîne!
Kes
nabêje ew weşiyan!
nabêje ew weşiyan!
Ew
mehiyan, ew qetiyan!
mehiyan, ew qetiyan!
Ew
keliyan, ew riziyan!
keliyan, ew riziyan!
Gul hatiye ber mirinê!
Gul ji hêşînbûnê ketye!
Gul ji mezinbûnê ketye!
Kes nabêje, ewa tî ye!
Bavo fikra mala xwe ye
Hizra bejn û bala xwe ye
Ew dibêje mira çî ye?
Ez ça bikim ewa tî ye?
Bovo dibêje diya min
Tu guh nede wî kurê min
Tîr û kevan me ra bes e
Şîva şevan me ra bes e
Em ça bikin gul bêkes e?
Dayê fikra hêkan da ye
Hizra telîse ka da ye
Heta mirîşka xwe dayne
Heta cûcikên xwe wayne
Çî wê ra gul berê nayne!
Bira fikra malê xwe ye
Hizra rengê şalê xwe ye
Yan jî fikra xebatê ye
Yan jî hizra dawetê ye
Kêfkirin xwaziya wî ye
Ew ça pê bike gul tî ye?
Xwîşk jî fikra tevna xwe ye
Ser qirarê xewna xwe ye
Fikra nexşê şayanî ye
Çi xem gulê kêm aniye?
Heval fikra maşînê ye
Hizra gera havînê ye
Riya dirav anînê ye
Çav li destê biyanî ye
Çî wî ra gulê nanîye?
Şîrove (0)