Wî welatî navim..

Mehfûzê mele silêman

Wî welatî navim..

Ku tê de bê nav bim

Bê çav û bê gav bim

Ku tê de sebav bim

Wî welatî navim..

Ku tê de birçî bim

Yan jî qereçî bim

Bê kas û kevçîbim

Wî welatî navim..

Ku tê de dev bûz bim

Serşor pişt xûz bim

Bi kûz û bi nûz bim

Wî welatî navim..

Ku tê hebe qedî

Sîtem û bedî

Riswayî û gedî

Wî welatî navim..

Ku tê de biyan bim

Bê vîn û şiyan bim

Bê çare û kan bim

Wî welatî navim..

Ku tê de bêm girtin

Yan jî bêm avêtin

Yan jî bême kuştin

Wî welatî navim..

Ku tê de bê kar bim

Dîl şermezar bim

Bê pişk û bê par bim

Wî welatî navim..

Ku tê de bê vîn bim

Bê hez û evîn bim

Bê soz û şevîn bim

Wî welatî navim..

Ku tirsonek şûrbaz bin

Fen û fût rêbaz bin

Birakuj serbaz bin

Wî welatî navim..

Ku berdevk virek bin

Ku malxwê tirek bin

Kebanî xirek bin

Wî welatî navim..

Ku pencer kulek bin

Ku beraz kulek bin

Ku zilam pîrek bin

Wî welatî navim..

Eger serdar diz bin

Bi xişt û bi gurz bin

Dixs û xiniz bin

Wî welatî navim..

Eger şivan gur bin

Ger paswan sîxwer bin

Ger sera axur bin

Wî welatî navim..

Ku tê de bin dest bim

Bê deng û helwest bim

Her dem jar û mest bim

Wî welatî navim..

Ku serwer qeşmer bin

Ku bê ser û ber bin

Zinx û pere xwer bin

Wî welatî navim..

Ku serkirde hov bin

Bi tov û bi gov bin

Ku dijî mirov bin

Wî welatî navim..

Eger bê binyad be

Ku bê yasa û dad be

Ku xelk ne azad be

Wî welatî navim..

Ku bê ayin de be

Ku bê balinde be

Ku bav bê dûnde be

————————-

Qamişlo 6.1.2016

شارك المقال :

Leave a Reply Cancel reply

Agahdariya desteya sernivîseriyê ya Kovara Soryaz Ji bo beşdarbûna jimara wê ya duyem de

Em hemû nivîskaran agahdar dikin ku ew dikarin nivîsên xwe yên bi zimanê Erebî û Kurdî bişînin da ku di jimara duyem a Kovara “Soryaz” de werin weşandin.

Ev beş hene: (Dosyaya Jimarê, Lêkolîn, Nirxandin û Xwendina Pirtûkan, Wergerandin, Mijarên Jinê, Dîrok, Sînema, Şano, Muzîk, Folklor, Ragihandin, Gotar , Çîrok, Helbest, Raporên…

Ragihandina kurdȋ di rȇvebirina Qeyranê de:Berpirsiyarî li hemberî Temaşevan û Dozê

EBDILBAQȊ ELȊ

Di nav tevlihevȋ, alozî û qeyranên ku herêm di nav de ye, “medyaya Qeyranê” wekî amûreke bingehȋn ȗ sereke ya birêvebirina raya giştî derdikeve pêş. Ev celebê medyayê di demên teng de tê ezmȗnkirin; çimkî dema ku karesatek an pirsgirêkek çêdibe, mirov hevsengiya xwe winda dikin û li her agahiyekê…

Daxuyaniya Dawî ya Konferansa Damezrîner a Hevgirtina Civaka Sivîl ya Kurdî

Li bajarê Düsseldorfê li Almanyayê, konferansa damezrîner a Hevgirtina Civaka Sivîl ya Kurdî bi dawî bû, piştî rojekê ji nîqaş û gotûbêjên berpirsiyar ên ku nûnerên dehane rêxistin, civak û saziyên sivîl ên Kurdî li hev anîn, bi tevlêbûna nûnerên hin partiyên Kurdistanî û her wiha bi amadebûna kesayetiyên civakî, çandî û akademîk…

Hin têbînî li ser Ehmedê Huseynî.

Qado Şêrîn

Ehmedê Huseynî helbest guhert, helbesta wî watedar û bihêz û xweşik bû, kesek nikare wê inkar bike. Ew e yê ku helbesta nûjen gihande asta helbesta kilasîk.
Ji ber ku Ehmed lawê civaka kurd e ku hîn peyetiya kesayet û siyaset û idyelojya berz û blind û sereke ye, xwezî li Swêdê maba, pesnê Ocalan…

Wî welatî navim..

Leave a Reply Cancel reply

اقرأ أيضاً ...

Agahdariya desteya sernivîseriyê ya Kovara Soryaz Ji bo beşdarbûna jimara wê ya duyem de

Ragihandina kurdȋ di rȇvebirina Qeyranê de:Berpirsiyarî li hemberî Temaşevan û Dozê

Daxuyaniya Dawî ya Konferansa Damezrîner a Hevgirtina Civaka Sivîl ya Kurdî

Hin têbînî li ser Ehmedê Huseynî.

· Xedam : ez ê di nêzîk de bernameya xew ragihînim

· Ragihandina Şamê û Mafê gelê Kurd

· Xedam û berhingariya sûriyê

· Dêrika Hemko… Bîranîna salvegera koçbarbûna serwerê kurdayetiyê Barzaniyê nemir.

· Heyva Avdarê û miletê kurd

· Daxuyanî bo raya giştî

· Nisrîn Melekî: Ev 17 car Mihemed Şêxo saxdibe

· Kampanya 100 hezar imze dest pê kir

· Hinek dikin û hinek dixwin

· Ji ferhenga Melayê Cizîrî…(( MESTBÛN ))

تمت البرمجة بواسطة RAR-IT LLC