Roni Eli
Bêje … Nebêje
Gotinên te
Mîna toza
talîzokên havînê
talîzokên havînê
Bi gulmek av
Têne şiştin û
wenda dibin
wenda dibin
Mîna afsaneyên şevbihêrkên zivistanê
Hinavan dicivilînin
Û piştî kêlîkekê
Bi pençê kenekî re
Koçdikin û têkdiçin
Bêje .. Nebêje
Wêneyên te
Di tîna havîneke girgîn de
Bawşîna li ser dil in
Di berbanga hêviyan de
Geşteya asoya paşerojê ne
Lê nameyên te
Mîna mûşegên ku dîwarê pişta sêwiyan
Li welatê min hilweşandin
Tîrêjên sibehê diqelişînin ..Talan dikin
Bêje .. Nebêje
Gotinên beravêtî
Mîna kavilên di devê lehiyan de
Ti dîmenan
Qeşeng û narîn nakin
Mîna peyala Dewrêşê Evdî
Ji bilî mirin û Erd ê qulemişkan
Dildaran sirgûn nakin
Bêje .. Ez im Şivanxapîka hastên bêpar im
Lê nebêje .. Dîlber û yar û Bihar im
1952016
