Hevpişt

 

Hevpişt ê jiyana min

Siwarê pesnan

Sade

Ter dikirin xewnên
bixwezî

Bi pêlpakiya canan re

Bawerî di çavan de
diçirisî

Kevir li pêşiyê di
bûn teraf 

Girêdayî ma berevanê
tewlê

Bendeman ê sozan

Ǜ piştiyên xwe

Ji rojên bê aramî
Diweste
Hîviyên gulgulî
Bi rûdanan re veguherîn
Zivêr bî ji giyanê xwe
Doşeka rehetiya şevê
Berda
Gêjiya rêwîtiyê
Di bîrên xeman de
Li xwe digere
Li rêya min a veder!
Qulingê ji refê ketî dipirse
Meyxaneyên galgalên sade de
Ji bê çareyê
Tirî yên virnî digivêşe             
Şûşeyan av dide
Mitale,,,
Ji hêlma janan 
Ne zelaliya li pêş mirovan
Tihn neşikestî şûşe zuha dibe
Di zayîna mitaleyên tehil re
Çêj xwe winda dike
Bê hemdî
Bi talanan ve hilpirikî
Wekî bayê bê sewda
Birûska ketî pêsîra Erdê
Di tewên bê dengiyê de
Li tariya şikeftên wê dikeve.
 
Giha lîsê Qulingê tenê mayî
Taviyên demdijwariyê
Bi hevdîtinê re
Vala dike 
Galgal rêz dibin
Efsaneyên goriyan di bêje
Kelegiriyê rojek vekirî
Bi lomeyan
Li rastyariya min û xwe digere.
 
07.06.16