Vejîna Kurd
Pir giran e
Kulîlkên meraqan
li çateyên aramiyê
veşêrim
keriyê gazinan
di gewriya bêdengiyê de
kedî bikim
û tereza dûrbûnê
ji ser delavên dilan
bi alî dim.
Gelek dijwar e
kulîlkên mêst
rojiya eşqê bigrin
û pinpinîkên rêwî
ji hembêza hêlûna renghunguvî
dûûûr dûr bifirin.
Belê dijwar e
çilpikên baranê
peyala xwe
ji çavdêriya hevdîtinekê
dagrin
û dara jiyanê
stewr bimîne
Zor dijwar e
çikçika diranên sibehê
di guhê Havînê re
derbas be
û pertewên rojê
bê stran bimînin.
Qet çênabe
pênûs li helbestê bibane
û demsaleke nû
ji bagera pêlên coşê
bi awirên çavên heyvê
û kenê lêvên berbangê
ne rêse.
20/1/2016
Şîrove (0)