Konê Reş
Bîst û yekê adarê
Destpêkirina buharê
Şaxên daran bişkivîn
Ji kulîlkên sor û şîn
Newroze cejna salê
Şev û roj hat qirarê
Rojên kevin hilatin
Rojên nû taze hatin
Rengê zemîn guherî
Şa bû, şivan û kerî
Newroze cejna salê
Şev û roj hat qirarê
Xwîna mirov dijene
Pêre dil jî dikene
Keç û kurên me kurdan
Bi şahî dikin dîlan
Newroze cejna salê
Şev û roj hat qirarê
Dibe dema evînê
Dil li ser dil datînê
Çûk û çivîk dixwînin
Hêlînên xwe datînin
Newroze cejna salê
Şev û roj hat qirarê.
20.03.2016
Cejna Newrozê ye Serê nû Salê ye
Cejnê Cejnê Cejnê
Xanê rok hat bejnê
Xanê rok hat bejnê
Cejna newrozê ye
Serê nû salê ye
Va dar dipişkivin
Çiya dixemilin
Bi zer û kesk û sor
Bi riçinê wek por
Çûk çivîk dixwîn in
Hêlîna datîn in
Dil lêdide bijen
Xwerist dibe bi ken
Mirov dibe rûgeş
Jiyan şêrîn û xweş
Hêlîna datîn in
Dil lêdide bijen
Xwerist dibe bi ken
Mirov dibe rûgeş
Jiyan şêrîn û xweş
Cejnê Cejnê Cejnê
Xello rok hat bejnê
Xello rok hat bejnê
Cejna Newrozê ye
Destpêka salê ye
Destpêka salê ye
Cejna ji sed salan
Roja bav û kalan
Roja bav û kalan
Heydê keko rabe
Bi vê rojê şabe
Bi vê rojê şabe
Em dadin agire
Ser zinar û gire
Ser zinar û gire
Agirê vê rojê
Nîşana Newrozê
Derenge zû rabe
Tev dostên xwe şabe.
Nîşana Newrozê
Derenge zû rabe
Tev dostên xwe şabe.
Konê Reş, Qamişlo
Şîrove (0)