Luqman Tahlo
Dîlbera govendê xwe dihejîne
Bisk û kezî zêrîn e
Çav ji derya evîn e
Rûdêm ji heyva şevîn e
Bisk û kezî zêrîn e
Çav ji derya evîn e
Rûdêm ji heyva şevîn e
Dîlber gulnaz û rind e
Tilî ji mûm û find e
Bejin zirav û lewend e
Bi zerzeng û bilind e
Tev dipirsin dîlber kî ye
Ma keçe an perî ye
Lêv hingivîn û spehî ye
Meya peyal û xwezî ye
Dîlber kara xezalan
Nêçîra xort û yaran
Berfa çiya û zinaran
Şînahiya buharan
Dîlber gula ber kanîye
Xunava rez û zevîye
Hiş û sewdan ji min birîye
Birîna dilê min her tu ye
Dîlber bişkoja li daran
Têr nabim ji dîdaran
Şeva xewn û xeyalan
Binefş û kulîlka çinaran
Dîlber nêrgiz û rîhan e
Ebrû zirav û kevan e
Surişta heyva gulan e
Bera bîhok û şîlan e
Dîlber naz û şêrîn e
Ji paytexta evîn e
Yarek rûken û narîn e
Dil ji bo wê xemgîn e
29/12/2005
