Qedrî Can, 43 Sal ji Koçkirinê û 57 Sal ji Gotina Helbesta (Şêrê Hat Welat)

Konê Reş
 
Di roja 09.08.2015an de, 43 sal di ser koçkirina helbestvan Qedrî Can, mîrê helbesta Kurdî a nûjen re derbas dibe, bi min xweş e ku ez vê helbesta wî a bi navê (Şêrê Hat Welat) ku li dor hatina Barzaniyê nemir gotiye bînim ziman.. Hem jî hêjaye ku ez bêjim; di eynî rojê de ez ê semînerekê li dor jiyan û xebata wî, di navenda Aso a mamoste Siyamend Brahîm de li dar xînim.

Şêrê Hat Welat:
Mizgîn .. mizgîn.. gelî Kurdan
Roja Kurdistan helat..
Barzanî hate niştiman, 
Şêr hat .. şêr hat welat..
Mizgîn li we, Barzanî hat..
Çayê Zagros bê deng mabû, 
Baxçe û bax bê reng mabû, 
Ew meydana bê ceng mabû, 
Roja Kurdistanê helat..
Şêr hat welat.. şêr hat welat..
Mizgîn li we, Barzanî hat..
Ne xuyabû ji çend salan, 
Ji bona derdê niştiman, 
çû bû digerya, li derman
Roja Kurdistanê helat..
Şêr hat welat.. şêr hat welat..
Mizgîn li we, Barzanî hat..
Mijde ji bo dar û beran
Deşt û newal li her deran
Roja Kurdistanê helat..
Şêr hat welat.. şêr hat welat..
Mizgîn li we, Barzanî hat..
Li Îraqê, Kurd û Ereb, 
Azad bûne ji nîrê Xerb..
Li ser yek rê.. li ser yek derb
Roja Kurdistanê helat..
Şêr hat welat.. şêr hat welat..
Mizgîn li we, Barzanî hat..
Azad bûye Silêmanî
Sibe dora Mûş û Wanî
Mehabad, Sine, Banî!
Roja Kurdistanê helat..
Qedrî Can