Konê Reş
Dengê Hesekê ji bihara wê a rengîn bilindtir dibe..
Sibehên wê bi tîrêjên rokeke fedyok,
di nav reşewaran de, xwe vedişêre..
Baran, wek xwîna şehîdên wê,
Bi ser welatiyan ve dibare..
Kulîlkên sîn, spî, zer, şîrkî û pemba, sorreng dike..
Dengê Hesekê ji bihara wê a rengîn bilindtir dibe..
Sibehên wê bi tîrêjên rokeke fedyok,
di nav reşewaran de, xwe vedişêre..
Baran, wek xwîna şehîdên wê,
Bi ser welatiyan ve dibare..
Kulîlkên sîn, spî, zer, şîrkî û pemba, sorreng dike..
Şebnem û xunava vê adara vê Biharê,
Bi dilopên xwînê, mêrg û çîmenan, şil dike..
Û dengê Hesekê, lihev vedigere…
Ji şermiya ne lihevkirina rexistinên siyasî,
Veşartina şehîdên Hesekê, dengê xwe nizim dike û
Di nav pêlên diyaloga xemsar de,
Mîna tabloyeke dîn (Şêt), bêhna mirov diçikîne..
Welatiyan gêjomêjo dike..
Yê ne xakhez be, qet bawer nake ku
bihar hatiye Hesekê..
yê ne welatperwer be, qet bawer nake
ku Newroz hebû û di Hesekê re derbas bûye..
Û sed mixabin ku şehîdên Kurdistaniyê li Hesekê,
Bi Ala Kurdistanê nehatin veşartin..
Qamişlo, 24.03.2015
