Peyamek ji bo Berpirsiyar û Hevalên (PKK)ê!

 Ev 22 sal çê bûye ko bi hesreta dîtina Bavê xwe ye…
Wêneyek Şemala hêviyên wî gûr dike…
Peyamekê Tixûbên bîrîyên min bezand…
Merheba Şîlan,
Ez Miraz im. Kurê Emîrhan(Hevalê Kendal) Min wêneyekî Bavê xwe li dev Hunermend( …)dît.
Min çîrok jê re got û  wî got:
Ev wêneyê me li Tiflîs-Gurcistanê girtibû û ev ya di wêneyê de Şîlan e.

Ew dê her tiştî li ser Bavê te bizanibe û ..
Pirsên wî Beraşê dilê min li ser êk dizivirîne
*Miraz:
Şîlan, li ser Bavê min bipeyive. Min pir bêriya wî kirî ye. Tenê hêviyek di dilê min de ye. Dixwazim Bavê xwe bibînim. Ez dixwazim bizanim li kû ye?  Eger li kû be jî ez dê bo dîtina wî biçim, yekî çawa bû û …?
Di nava Pêlên agirê hiziran de nizanim  çawa bersivê bidim!?
Bi Heftî û Mehan pirsên wî li ser Bavê wî ne…min soz dabû ko pê re alîkar bim
Lê dilê min nagire li gor ko berê min ji Heval  L.X  û Heval A.F bihîstibû ko şehîd ketiye.
Nikarim jê re binivîsim ko Bavê wî  Şehîd bûye…Ji neçariyê bo demekê min Facebooka xwe girt.
Piştî çend mehan neçar mame ko rastiyê jê re bibêjim, rastiya ko pê pir êşiyam.
Li gor gotinên hevalekî wan dema ew ji Sînorê Ermenistanê berev  Azerbaycanê derbas bûne, ew ketine kemînekê û Hevalê Kendal li wir şehîd ketiye.
Çendîn caran ligel hevalên ko wê demê bi wan re bû û niha li çiyayên Kurdistanê Qendîl û Şingalê dimînin bi telefonê peyvîm û çîroka Miraz hemû ji wan  re got.
Lê çi kes bi diristî nizane ka li kîjan deverê şehîd ketiye, ne kes dizane Mezelê wî li kû ye û ne kesê bi çavê xwe dîtiye û ….
Daxwaza min ji hemû heval û berpirsên PKK heye her kes agahiyekê li ser Hevalê Kendal dizane bila têkeliyê bi malbata wî re deynin.
Eger Şehîd ketiye an jî girtî ye bila Bersivekê bidin Malbata wî bi taybetî lawê wî.
Ya ez dizanim di nava her Partiyekê de lîsteyên şehîd û girtiyan hene.
Ji bo bidestve înana van lîsteyan bi kê an kîjan dezgeha PPKê ve  Peywendiyê bikin?
Îro ji bo cara dawiyê bi Hevalekî wî li Dêrikê-Rojavayê Kurdistanê bi Telefonê peyvîm û min daxwaza bersivekê bi belge jê kir lê ji min re got nizane û tu ji hevalan bipirse û ….
Li ser hevalê Kendal ev Salek e li agahiyan digerim. Her kes tiştekî dibêje…
Bi hêvî me hemû hevalên ko rêz li min digirin cihê Like (layik) kirinê peyam û wêneyê Heval Kendal di Malper û kom, di facebookên xwe de parve bikin belkî kesek xebereke xêrê bide me.
Ligel rêz û silavên Kurdewarî
Şîlan Doskî
…………………………………………………………………………………………………
Wêne: Ev wêne sala 1999 an hatiye girtin û Kurê Hevalê Kendal ji min re şandî ye. Wêneyên ko dema min sefera Gurcistanê kiribû û bi kamera xwe ji hevalan re girti bûn min li vir parve nekirin ji ber parastina riha hinek hevalan ko nuha li Tirkiyê dimînin an jî hatin û çûna wê derê dikin.

 

شارك المقال :

Leave a Reply

Your email address will not be published. Required fields are marked *

اقرأ أيضاً ...

Qado Şêrîn

Ji bo kurd bêtir tarûmar, winda û tune nebin, tenê yek rê li pêşiya wan maye, ew jî dewletbûn e. Eger ji aniha û 20-30 salên bên kurd nebin xwedî dewlet, wê winda bibin, wê bêtir rastî hilweşandin û şikestinan bên, wê hêviya dewletbûnê lawaztir bibe, çimkî wê kurdperwer û…

Konê Reş

Wek ku eşkere ye ji şerê Çaldêranê/ 1514 ve, dest bi perçebûna Kurdistanê hatiye kirin.. Di pey Sykes Picotê/ 1916an de, Kurdistan bûye çar perçe.. Ji wê hingê ve Kurdistanî hewil didin ku Kurdistana xwe bikin yek perçe.. Tevî gelek berxwedan, serhildan û xwîn rijandinê.. Tevî banga Şêx Ehmedê…

Bavê Zozanê

Îro 07.09.2025 li almanyayê, bajarê Essen ê Yekîtiya giştî ya nivîskar û rojnamevanên Kurd li Sûriyê û Yekîtiya nivîskarên Kudistanê nûnertiya Europa simînareke bi rêk û pêk bo nivîskar Luqman Silêman lidar xistin bo emzekirina du pirtûkên wî yek jê Romana Qezerceb ê bû û ya din romana Siyamend û…

Zagros Osman

beşek ji siyasetmedarên kilasîk ê kurd, nemaze yên ku hişmendiya wan di salên 1960, 1970 û 1980an de çêbûye, hîn jî li ser ya xwe ne ku hişmendiya rabirdûyê dubare dikin, mîna ku çerxa demê li wê xalê rawestiya be. siyasetmedarên navbûrî bandora kûr a veguherînên dîrokî yên 35…