Di 25. 10 2014an, û di bin durişmeyên ( Bijî berxwedana Kobanê. Bijî hevkariya gelê Kurd, ji bi berxwedaniya Kobanê )de, û bi beşdariya hejmarek ji rewşenbîr, nivîskar, zimanperwer, rojnamevan û wêjehez mîhrecana Roja Helbesta Kurdî ya bîst û duyemîn, li hola Jîn Efrîn, li bajarê Efrînê hate lidarxistin. Komîta amadekar a mîhrecanê ji şeş kesan bû: Merwan Berekat, Dêrsim Memo, Dr. Ebdilmecît Şêo, Îlham Osman û Osman Îso. Piştî kêlîkeke bêdeng li ser rewanê pakrewanên Kurd û Kurdistanê hat rawestandin, gotina komîta amadekar ji aliyê helbesyvan Dêrsim Memo de hat xwendin.
Di pişt re pirograma xwendina helbestan dest pê kir. Helbestvanên beşdar ên ku helbest xwendin 14 helbestvan bûn ji wan: Helbestvan: Îbrahîm Sunkur ji bajarê Wanê, helbestvan Merwan Berekat, helbestvan Temoz Şemalî, helbestvan Dêrsim Memo, helbestvan Osman Îso û …. W.D. Hêjayî gotinê ye, ku piraniya helbestên di mîhrecanê de hatine xwendin li ser Kobaniyê bûn.
Li dawiya Mîhrecanê ji aliyê komîta amadekar ve, û bê ku xwediyê xelatê hajê hebe, helbestvan Dr. Ebdilmecît Şêxo hat xelatkirin.
