Konê Reş
Bîst û pênc sal, hêj di wijdan de dijî
Namire, her dem wê bi me re bijî
Namire, her dem wê bi me re bijî
Stêrek geş bû, li asmanê Kurdistan
Parêzer bû, bo felata me kurdan
Kar kir bo Kurd, Faris û biratiyê
Dest dirêj kir, bo selam û aştiyê
Dest dirêj kir, bo selam û aştiyê
Sed mixabin, Ayetên Xwedênenas
Bi bêbextî, kuştin ev kurdê gernas.
Bi bêbextî, kuştin ev kurdê gernas.
Em jê didin, soz û peymanek dirêj
Bixebitin, dijî rêjîma qirêj
Bixebitin, dijî rêjîma qirêj
Rêbaza wî, bişpînin û her demê
Bi têkoşîn, li vê jîn û serdemê
Bi têkoşîn, li vê jîn û serdemê
Ta ku navê wî, bilind kin li welat
Û bibêjin; ew bû rêberê felat.
Û bibêjin; ew bû rêberê felat.
Bijîn kurdên, Kurdistana Rojhilat
Yekî wek Qasimlo, ji nav we hilat
Yekî wek Qasimlo, ji nav we hilat
We pîroz dikim ji dil, hinav û can
Hûn bibîr tînin, lehengê qehreman.
Hûn bibîr tînin, lehengê qehreman.
Gelyê Qasimlo bilîlîn û biken!
Nevyê te ye, ev qehremanê resen.
Nevyê te ye, ev qehremanê resen.
Ji Qamişlo, bo we dikim diyarî
Zor sipas û silavan ji vî warî
Zor sipas û silavan ji vî warî
Em jî wek we, Qasimlo bibîr tînin
Xweş silava, li vê yadê dişînin.
Xweş silava, li vê yadê dişînin.
Bijîn kurdên, Kurdistana Rojhilat
Yekî wek Qasimlo, ji nav we hilat.
Yekî wek Qasimlo, ji nav we hilat.
Konê Reş, Qamişlo, 11.07.2014
