Konê Reş
Gulanê!
Ev çi ewrê reş e,
Tu di ser asmanê bajarê min re
Dibî û tînî?!
Çima tu dêmê xwe ji xelkên bajarê min Qamişlo
Diguherînî..?!
Nakokî, dubendî û berberiyê
Di nav xelkên min de
Gur, bilind û sor dikî..?!
Gulanê!
Tu heyva gul, kulîlk û çîçeka ye..
Heyva çûk, çivîk û şalûla ye..
Heyva aramî, tenahî û evînê ye..
Gulanê!
Bela kes navê te bi kiryarên şaş û çewt
Ne lewitîne,
Rengên gulên te, bi rengê xwînê
Neguherîne..
Gulanê!
Çendî ji van rojên te bi tirsim!
Ji rengê gulên te yên sor bi tirsim!
Çendî bi hêvî me ku xaka welatê xwe,
bajarê xwe, bi tovê gulpsî û gulzeran
Bibînim û
Ev reşewrê xerab yê ku
Xwe di ser bajarê min Qamişlo re vegirtiye,
Biferike û nebînim.
Erê biferike û nebînim.
Di nav xelkên min de
Gur, bilind û sor dikî..?!
Gulanê!
Tu heyva gul, kulîlk û çîçeka ye..
Heyva çûk, çivîk û şalûla ye..
Heyva aramî, tenahî û evînê ye..
Gulanê!
Bela kes navê te bi kiryarên şaş û çewt
Ne lewitîne,
Rengên gulên te, bi rengê xwînê
Neguherîne..
Gulanê!
Çendî ji van rojên te bi tirsim!
Ji rengê gulên te yên sor bi tirsim!
Çendî bi hêvî me ku xaka welatê xwe,
bajarê xwe, bi tovê gulpsî û gulzeran
Bibînim û
Ev reşewrê xerab yê ku
Xwe di ser bajarê min Qamişlo re vegirtiye,
Biferike û nebînim.
Erê biferike û nebînim.
Konê Reş, Qamişlo, 19.05.2014
