Ronî ELÎ
Hîn di tîpên navê te de
Çirûska vejîna welatekî
Hêviyên min dişopîne
Hîn di boxça gotinên te de
Çirûska vejîna welatekî
Hêviyên min dişopîne
Hîn di boxça gotinên te de
Gelawêja evînê
Sînorê welatê min
Derbas nekiriye
De lo lo welato
Penaberin hestên ziwa
Di navbera
Bangewaziya hembêza te
Û ahînên berbangê
Di gewriya dilê yarê de
Sînorê welatê min
Derbas nekiriye
De lo lo welato
Penaberin hestên ziwa
Di navbera
Bangewaziya hembêza te
Û ahînên berbangê
Di gewriya dilê yarê de
Hîn di tîna germa havînê de
Di siha mijgulên te de
Bi hilam honikiya dîwarekî bê pişt
Li ser sînga te
Limêj dikim
Hîn bi ava lêvên te
Li tîbûna dilê welatekî perpitî
Avîvan derdikevim
De lo lo welato
Tu hest û hinavî
Lê dil
Di çerxa evîna te de
Dîl û hevjînê yarê ye
17-4-2014
Şîrove (0)