Dr. Ebdilmecît Şêxo
Çawa tevgera gelê Kurd li Kurdistana Rojava bi dilekî şikestî û xemgînî nûçeya girtina têkoşer M.Ş. Alî bihîst, bi hemî awayên şaristanî nerazîbûna xwe derbirî û rûya karbidestên Sûriyê di qada cîhanî de reş û şermezar kir. Îro jî piştî du mehan, tevgera Kurd û gelê Kurd bi dilên dilşad û şahnazî mizgîniya azadîbûna rêzdar M.Ş.Alî pêşwazî kir.
Serbestbûna têkoşer M.Ş.Alî, beşek e ji serbestbûna vîna tevgera Kurd û dêmokratîxwazan li Sûriyê, ji ber ku birêz M.Ş.Alî di jiyana xwe ya siyasî de herdem li gor nirîn û baweriyên xwe vîna gelê Kurd û vîna hêzên dêmokrat li Sûriyê li ser bingeha biratiya gelên Ereb û Kurd di çarçewa dewleta Sûriyê de derbiriye û berevaniya berjewendiyên niştimanî bi pîdarî kiriye.
Bi vê bûneya pîroz de, pêwîst e em hemî çalakîyên partiyên Kurd, rewşenbîr, niştimanperwerên Kurd, her wisa jî helwestên rêxistinên navnetewî, gelek partî, kesayetiyên Ereb li Sûriyê û li dervayê welêt di azadiya têkoşer, sekretêrê P Y D K de pir giranbuha binerxînin û em serê xwe li ber têkoşînên wan ji bo azadiya peyvê, serbestiya gelan, parastina mafên mirovan ditewînin û ji hemûyan re dibêjin, azadîbûna sekretêrê P Y D K li me pîroz be .
Lê divê em dîsan jibîr nekin jî, ku bi sedan kurdperwer, siyasetmedarên Kurd û dêmokratîxwazên Ereb hîn di zîndanên destlata Sûriyê de jiyanên xwe bi setemkarî û jan têper dikin. Em lava û hêvî dikin ku têkoşînên azadî û dêmokratîxwazên kurdistanî, cîhanî ji bo goristankirina peyvên mîna “şoven”, “dîktetur”, “bindest” û bilindkirina ala azadiyê berdewam bibin. Herweha jî dilxweşbûna gelên Sûriyê û hêzên dêmokratîxwaz bi serbestbûna hemû girtiyên siyasî, dê hîn bilindtir bibe .
Her bijî xebatên hevbeş!
Her bijî tevgera gelê Kurd!
Bi vê bûneya pîroz de, pêwîst e em hemî çalakîyên partiyên Kurd, rewşenbîr, niştimanperwerên Kurd, her wisa jî helwestên rêxistinên navnetewî, gelek partî, kesayetiyên Ereb li Sûriyê û li dervayê welêt di azadiya têkoşer, sekretêrê P Y D K de pir giranbuha binerxînin û em serê xwe li ber têkoşînên wan ji bo azadiya peyvê, serbestiya gelan, parastina mafên mirovan ditewînin û ji hemûyan re dibêjin, azadîbûna sekretêrê P Y D K li me pîroz be .
Lê divê em dîsan jibîr nekin jî, ku bi sedan kurdperwer, siyasetmedarên Kurd û dêmokratîxwazên Ereb hîn di zîndanên destlata Sûriyê de jiyanên xwe bi setemkarî û jan têper dikin. Em lava û hêvî dikin ku têkoşînên azadî û dêmokratîxwazên kurdistanî, cîhanî ji bo goristankirina peyvên mîna “şoven”, “dîktetur”, “bindest” û bilindkirina ala azadiyê berdewam bibin. Herweha jî dilxweşbûna gelên Sûriyê û hêzên dêmokratîxwaz bi serbestbûna hemû girtiyên siyasî, dê hîn bilindtir bibe .
Her bijî xebatên hevbeş!
Her bijî tevgera gelê Kurd!
17.02.2007
Şîrove (0)