Hilweşanek

Rêwî girpirî

Keser ji ezmûna dil di herikin
Wek tîpên winda li ser rûpela azadiyê
Dil ji kakila xwe di revê 

Ewjî zabûna ahînek nû ye 
Rêwî bûna hejariya koçberiyê ye  
Hawar lo rêwiyo ev çi rê ne di dîroka tede
Riyê zirav û dirêj 
Wek marekî reş bi sitrih
Di hinavê tede volkanek heye 
Welatek heye 
Û çar keser hene 
Her keserek bi çiyakî ye 
Yek li ba şûr 
Û yek li ba kur 
Yek li roj hilat 
Û ya mezin li roj ava 
Roj avayê dilê min 
Qamişloka min
Derdo wa derdê min 
Welato lo welatê çar firmêsk 
Hilweşîne ji dêmên xwe şiliya kesera
Ji bejna xwe rake mîxên rizî
Bera firuştên azadiyê bi kin dîlana 
Periyên bihiştê li ser gerdena te bi lîzin
Êdî ejî ji rêwî bûna xwe bi gerim
Li ser sînga te razim 
Razana dawî 
Wek gelawêja li gerdûn 
Da ku tîpên min jî bi bin sirûd 
Bi bin gul di guldana azadiya tede