Bin dara gulê

 

Nûman Axîn

 Delala min 
ew dem tucar naçe ji bîra min 
Dema min
bi destê te digirt
û me baz di da
li nav gund
li ser rêya û banîkan        
Em di lîstin
lîstika çav girtî û veşartinê.
Li buharekê 
em roniştin bin dara gulê
gulek sor
ji destê te min girt
ramosanek
ji dev û lêvên te  
yên hunguvî ez nîvmayî kirim
Gupek bûn hîn sêv
dema ser sîngê min de tu westiya
Porê tarî bi ser milan de hate xwar
Min dest havêt gerdenê deng jê nehat
çav rastî çavan
rondik bi ser rûyan de têne xwar     
Ez nizanim çi bi dilê min hat
talan bû xwîn
di laşê min de nema cih girt 
mîna pêlên deryan hestên min 
û ez ketim nav xeyalên evîna te. 
bin dara gulê
bin dara gulê 
eşqa te ez bi evînkirim
bin dara gulê 
dilê reben te bi hilim û bîhna xwe şiyar kir 
bin dara gulê 
min zaroketiya xwe winda kir       
bin dara gulê 
Stêrkek Li ezmanê dilê xwe min ronî kir.
                   
    Etîne  27.04.2010
Numanaxin@gmail.com