Ezbenî Ji Wan Re?! Ewên Ku Nameyên Xerab Bo Min Dişînin

Konê Reş

Ezbenî!
Carna tu nizanî çima  şerê te dibe; şerê dêmê te, navê te, navnîşana te û ta bi şerê livandina te dibe.. Hewildidin ku te bikin yekî din… Duristiya baweriyên te biguherînin û te bikin rewrewk.. Û da ku te bikin wek xwe şerê duristiya te dikin…

Pêwîste tu bi wan re bikene.. Temenê derewan kin e, çendî ew derew û xapên xwe xweşik û rindik bikin, rastiya her tiştî piştî pêlekê derdikeve, belû û eşkere dibe.. Bi gurnije bi wan re ezbenî bi gurinje, yê bi serketî tu ye, te xew li wan herimandiye ta ku wiha nameyên xerab bo te dişînin..
*          *          *

Ezbenî! Tu di bin çavan de yî! Xerab zerevaniya te dikin, hewil didin ku li pêş pêlên te yên gur bisekinin.. Ma gelo keviz dikare bibe beden ji deryayê re? An rewrewk bibe ewir di asman de? Ezbenî! Kes nikare bi qûmê koçkan ava bike..
Guh li wan neke, kevjal nikare darên beriwan ji qurim ve bibirre..
Tu xemgînî! Ji ber ku derewan dikin? An ji ber ku hewil didin, bi navê te bazirganiyê bikin? Ne xeme Ezbenî! Derewçîn, bi derewan rojên xwe derbas dikin, tevî ku rojên wan kinin, ji wan werê werîsê wan dirêje, dikarin li her derê bigerin û kes wan nasnake.. Bîr nabin ku ew wek rewrewkê ne, çendî mirov nêzîk wan bibe bidûr dikevin û çendî dûrî wan keve nêzîk dibin.. A çê, tu bi wan bikene..

*          *          *

Ezbenî! Guh li reyandinê neke, ew kes wiha fêr bûne ku, li ber deriyan kewtekewê bikin û xelkê agahdarî derbasbûna kerwanên mirovahiyê bikin.. Ezbenî! Ku te teyrê berate li cihekî dît, xweş zanibe ku teyrê baz di wê deverê re derbas bûye.
Gelo te bihîstiye rindekî şerê xerabekî kiriye?!
Ezbenî! Çendî ewir reş, spî û tarî be nikare heyvê veşêre, ji ber ku ewir ne bi destê xwe ye, di bin hêza ba de digere..

*          *          *

Ezbenî! Ew nexweş in, ne azad in, heyranên berjewendiyên xwe ne û armanca te azadî û serbestiye.. Mêzandina bi rex wan ve xisar e, li wan mêze neke, wan di nexweşiyên wan de bihêle.. Ew ji azadî û duristiya te didexisin, kesî şerê mirovê nesax û reben nekiriye.
Li wan nefitile û ne wan bîne ber çavê xwe, ji xwe ew li vê yekê digerin ku xwe bikin hemberî te..

Ezbenî! Cudahiyek mezin di navbera awazên çûkan û qurequra beqan de heye.. Bi gurinje ezbenî..

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…