Luqman şeref
Dibêjin tê werê bi rojê re
Bi qews û qezeh ,di nav mijê re
Bi ronahî re , di jor û jêr re
Di nav gunda û birc û bajêr re
Dibêjin tê werê wekî bayê
Bi rehetî , bê kul û belayê
Dengê te mîna lorîka dayê
Ku bang dikê û dibê “ez nemayê “
Bi rehetî , bê kul û belayê
Dengê te mîna lorîka dayê
Ku bang dikê û dibê “ez nemayê “
Li ser hespekî sipî tê werê
Di nav gul û kulîlkên buharê
Rast û çep , tev xweşî , jor û xwarê
Di rêkê de , nîne weke wê rê
Di nav gul û kulîlkên buharê
Rast û çep , tev xweşî , jor û xwarê
Di rêkê de , nîne weke wê rê
Hin dibên wê werê li gel dûman
Bi ewran re , berq û berf û baran
Li gel sermê , teyrok û taristan
Bi êgir re li her tiştî ferman
Bi ewran re , berq û berf û baran
Li gel sermê , teyrok û taristan
Bi êgir re li her tiştî ferman
Wê bê li ser pişta hespekî reş
Seranser wê arê dijwar û geş
Haware hawar çi rojek nexweş
Her kes çû ji xwe , tev mane serxweş
Seranser wê arê dijwar û geş
Haware hawar çi rojek nexweş
Her kes çû ji xwe , tev mane serxweş
Derya ji xwînê dê çêbin û çem
Têde bifetisin ereb , ecem
Ji ser sînga me bifirin kul û xem
Mizgîn îro wê zîn here nik mem
Têde bifetisin ereb , ecem
Ji ser sînga me bifirin kul û xem
Mizgîn îro wê zîn here nik mem
Kurdistan ! nizanim tê kînga bê
Lê em bawerin yan îro yan sibê
Bi gora leyla jiyan bê te na bê
Lê em bawerin yan îro yan sibê
Bi gora leyla jiyan bê te na bê
Kesê ne wer bêjê xwelî li sera bê
