Hêjayan serokatiya Encumena niştimanî ya Kurdî li Sûrî,Hêjayan endamên komîteya amadekar ya Encumena niştimanî ya kurdî li Ewrupa,
Yê me, em wek Encumena Êzdiyên Sûrî di wê baweriyê de ne, ku di vê dema pir nazik û hestedar de a ku Sûrî bi tayîbet û rojhilata navîn bi giştî tê re derbas dibe, li ser me wek Kurd ferz dike ku em bi zûtirîn dem hêza xwe bikin yek, û bi yek deng û rengî di ber pirsa xwe ya netewî de kar bikin.
Li ser vê bingeh û pêla netewî em wek berpirsiyarên beşekî bingehîn ji miletê Kurd li Sûrî tev hev digerin, ji ber ku hêz û hebûna me wek Kurd di yekîtiya me de ye.
Lê mixabin ku îro roj û piştî derbasbûna bêtir ji salekê li ser şoreşa rûmet û azadiyê ya Sûrî re, ku hîna em Kurd tert û belane, û ji bo çareseriya pirsa Kurdî li Sûrî ne xwedî helwestek netewî yekgirtî ne?
Mirov dikare vê berbelavbûna Kurdî di qada siyaset û têkoşîna rojane de, di gelek cî û waran de bipelîne.
Me di destpêka damezrandina Encumena Êzdiyên Sûrî de, di 05.11.2011 an de, biryar da ku em parçeyek in ji tevgera siyasî ya Kurdî li Sûrî û em ê ji devayî refê Kurdaweriyê tu kar û xebatan nekin û têkilî tu Şepûl û aliyên muxalefetê nebin.
Tevî ku me têkiliyên berfereh û li ser asteka pir bilind bi serokatiya tevgera xwe ya siyasî re li hundir û ji dervayî welat re jî kirin, ku wan jî çi bi devikî û çi bi nivîskî kêfxweşî û serbilindiya xwe ji bo damezrandina Encumena me dan diyar kirin, û soz dan ku wê me piştguh nekin, û wê her timî rêzê li vê xebat û hebûna me wek nûnerên Kurdên Êzdî li Sûrî bigrin.
Tevî ku me têkiliyên berfereh û li ser asteka pir bilind bi serokatiya tevgera xwe ya siyasî re li hundir û ji dervayî welat re jî kirin, ku wan jî çi bi devikî û çi bi nivîskî kêfxweşî û serbilindiya xwe ji bo damezrandina Encumena me dan diyar kirin, û soz dan ku wê me piştguh nekin, û wê her timî rêzê li vê xebat û hebûna me wek nûnerên Kurdên Êzdî li Sûrî bigrin.
Lê mixabin ku ew soz û dilsozî tenê man gotinên li hewa??
Di têkiliya me ya herî dawî de bi Encumena niştimanî ya Kurdî li Sûrî re, ji me re gotin ku wê nûnerekî me bi rengekî fermî beşdarî civîn û çalakiyên encumena niştimanî ya Kurdî li Sûrî bibe, lê tiştê ku qewimî bi qalik û naveroka xwe ve berûvajî vê sozê bû.
Encumena niştimanî ya Kurdî di 15.04.2012 an de li bajarê Bielefeld/Elmaniya civînek lidarxistin bêyî ku me agahdar bikin û me vexwendî civînê bikin??
Encumena niştimanî ya Kurdî di 22.04.2012 an de li bajar Essen/Elmaniya civînek lidarxistin bêyî ku me agahdar bikin û me vexwendî civînê bikin??
Encumena niştimanî ya Kurdî di 22.04.2012 an de li bajar Essen/Elmaniya civînek lidarxistin bêyî ku me agahdar bikin û me vexwendî civînê bikin??
Encumena Êzdiyên Sûrî di gelek civîn û kongireyên Hevrikiya Sûrî de beşdar bû, lê wekî ku me li jor anî ziman, tevî ku me dikarî bû ciyê xwe yê rewa di rêza wê hevrikiyê de bigirta jî, lê em tevlî tu aliyan nebûn, û me di daxuyaniyeka çapemeniyê de diyar kir ku em bêyî Tevegra siyasî ya Kurdî tu biryaran bi serê xwe nedin.
Em wek Encumena Êzdiyên Sûrî vê piştguhkirin û nijadperestiyê, vê danûstandina ne kurdawerî a ku Encumena niştimanî ya Kurdî li Sûrî li himber me bikartîne şermezar dikin, em hem wek Êzdî wek parçeyekî bingehîn ji miletê Kurd û hem wek rêxistin, wek nûnerên beşekî ji civaka Kurd, Xwe wek xwediyên Kurd û Kurdistanê dibîn in, û em ê tu carî rê nedin xwediyên nerînên teng û nijadperest ku ziyanê bighînin gewdê Kurdaweriyê.
Em wek Encumena Êzdiyên Sûrî vê piştguhkirin û nijadperestiyê, vê danûstandina ne kurdawerî a ku Encumena niştimanî ya Kurdî li Sûrî li himber me bikartîne şermezar dikin, em hem wek Êzdî wek parçeyekî bingehîn ji miletê Kurd û hem wek rêxistin, wek nûnerên beşekî ji civaka Kurd, Xwe wek xwediyên Kurd û Kurdistanê dibîn in, û em ê tu carî rê nedin xwediyên nerînên teng û nijadperest ku ziyanê bighînin gewdê Kurdaweriyê.
Bijî Kurd û Kurdistan
Bijî têkoşîna gelê Kurd ji bo azadî û serxwebûnê
Bijî têkoşîna gelê Kurd ji bo azadî û serxwebûnê
Komîteya ragihandinê ya Encumena Êzdiyên Sûrî
Elmaniya 29.04.12
