Jin û şoreş

Eger jina Sûriyê beşdarî di şoreşa Sûriyê de kiribe, ew bi rola xwe a normal û aktiv di jiyanê de rabûye û ev ji mafê wê ye. Nexasim zilm û zora ku lê dibe û bûye dubare ye; ji rexekî ve kurê wê, mêrê wê, birayê wê û bavê wê armancên rêjîmê ne, digel ku ew bixwe jî armanc e.. Û wiha jina Sûriyê nedûrî zîndanê bû, ne dûrî zîndanê ye û gelek jinên têkoşer di Sûriyê de hene ku ketine zîndanan de ûhên jî jinên têkoşer di zîndanan de hene..

Jinên Sûriyê di tev warên jiyana rojane de li kêleka mêrê xwe û malbata xwe sekiniye û gelek jinên têkoşer yên naskirî di Sûriyê de serê xwe di gelek waran de bilind kirine, nexasim di warê siyaset û pîşesaziyê de.. Jina Sûriyê ji wan jinên ku şoreş bi hêza wan hatiye vêxistin û hinan ji wan plana şoreşê daniye wek jinên bajarê Deraayê yên ku bisedema axaftina telefonê li ser rêjîmê hatin girtin û zîndankirin.. Tevî vê yekê, ew jin bi pêşeroja Sûriyê a azad û demokrat geşbînin..

Serketina şoreşa Sûriyê a ku wê nêzîk pêk were, wê Sûriyayeke nû, Sûriyayeke wek hev be, Sûriyayeke bêcudabûn be di nav nijadên ku têde dijîn.. Her wiha wê rola jinê jî têde ne tenê dîkorî be, belê wê jin rola xwe di tev warên fermî de bilîze û wê xwedîdan be, wek ku çawa di jiyana rojane de xwedîdane.. û wê ev jin piştgireke mezin be ji demokratî, dademendî û wekheviyê re, ji ber ku ew bêtir di welatê wê de, ji ber karbidestan ve, bi êş û janên ku dîtiye serwexte..