Nû min dît!

Nûş‏în Bêcirmanî

Ji tariya ‏şevê
Min xwe dizî…
Raman û hiş‏ min rêkirin
Hiş‏ rê dibir
Raman roja nû dixwend,
Mêvanê çiya û asmanê te me,
Min himbêz bike,
Vemale, rondikên digindirîn,
Ji kehniya nalîn û îske îskê min.
***   ***   ***

Gerdena çiyayên te dirêje,
Wek ewrên payîza sêwî ,
Li gundê me,
Ku têr nebû,
Ji gum guma tavên giran,
Li te geryam
Di çol û bêlanan di geryam,
Bîranînên ‏şikeft û zinaran,
Min dorpêç dikin….
***   ***   ***
Ji ‏ahiya (bajarê kengê) *
Min tûrkê xwe mi‏şt kir,
Ji ava(BINÎSRA)
Damar û rehên xwe,
Min miş‏t kirin,jîn û evîn,
Vaye ….
Heskêf keça çiya ye,
Batmana bav û kala ye,
Midyad,dîlokên azadiyê,
Ji yara min re dikirin,
Guhar û gerdenî…
***  ***    ***
Ji bin konê sêwîtiyê derkeve,
Deng
reng
çeng
Ji baskên ewrê zivistana min re
Hilde û were
Em tev bikin
Dîlan û  sema…..
***    ***     ***
Min tenê ne hêle,
Zû ,min ji bin,
Giraniya xema  derîne…..
Awrên çiyayên xwe neberde min,
Dilzîzim,
Hime hima ‏şêx seîdê kal
Min di êş‏îne,
Silav li te ş‏êxê min,
‏Şaş‏ika xwe,
Li gerdena yara min
Bi pêçe,
Ameda min,
Hêviya min,
Vaye çavhingiva min,
Xwe palda ye, kul û keserê te,Amedê….
Nû min dît,
Gulzar li Vê dê…..
Nû……
Min……
Dît………………

Bajarê kengê : Nisêbîne

Midyad 8.9.2006