Mizgîn Hesko
Ji bo Şehîdê kurda Mişel Temo
Û dayê……
Li bejna xwe kir
Xemla şînê
Bi qêrîn û hawar
Dilê min…..
çar melyon Amîreyên êşê
Awazên sozdarî
Li bejna xwe kir
Xemla şînê
Bi qêrîn û hawar
Dilê min…..
çar melyon Amîreyên êşê
Awazên sozdarî
Dijenîn e.
Û dayê….
Li serê xwe kir
Apriyeke yek rengî
Bi lîlelîl
Porê min ….
çar melyon biskên xelek
Bîn ember in
Tev Mişel in
Li serê xwe kir
Apriyeke yek rengî
Bi lîlelîl
Porê min ….
çar melyon biskên xelek
Bîn ember in
Tev Mişel in
Îdî……hew dikarim bigrîm
Û çav ….
Û çav ….
Bê viya min
Hêsran dibarînin
( vê firqetê ebter kirin feryad ji destê firqetê
jar û zeyf û zer kirin feryad ji destê firqetê )
Û dayê…….
Ji dastana evînê
Dîse…Memek
Di heyecana işqa te de
Sergovend
Alaveke vêketî…..xuro pêdarî
Kawayekî nuh….. aştî karî
Di cotmeha çinînê de
Darhinar
Û Qamişloka min
Bûye pêt û ar
Bandike keç û kurên xwe
Xortno….werin civînê
Û Rojavayê min
Bi yek dengî dilîlîne
Darbesta Mişelê xwe
Bi kulîlkan dixemlîne
Berbi asoyên vejînê de
Bîna endeko
hilma neştumanî
dergûşa nûbarekî nuh
dihejîne
û dayê ……megrî
hêsrên te
buhan e
hêsrên te
çavê sûriyan bi girî ve kirin
zevî…zevî
kolan ..kolan
în û şemî geriyan
ji bo Mişelê te
baxek gul anîn û rist kirin.
7.cotmeha 2011
Şîrove (0)