Mehmûd Badilî
(ji rewanê Miş`el Temo re)
çipeçipa xwîna te
bi ser mermerê
dilê min yê xemgîn de
valahî ji tîna navê te vêxist
pê re rewanê min yê vemirî.
bi ser mermerê
dilê min yê xemgîn de
valahî ji tîna navê te vêxist
pê re rewanê min yê vemirî.
şikestim..
di pêlên bêhna teyî koçber de
vêketim..
jan û şoreş
di pêjna kuştina te de.
birînên te rapelikîn damarên min
tiliyên min ji min ketin
û hêsirê min bi xwîna te re
qîriya.
hejiya dil..
û gund û bajarên te
pijiqîn çavên neyaran.
birînên te gul bûn..
di cendekê te yê sar û vêketî de
birînên te gul bûn..
gulên bi awirê min re diaxivîn
sor digernijîn
sor diqîriyan
sor digiriyan
û helbest di henteşa oxira te
porê xwe bi ser pakrewaniya te de
kur dike
geh bigirî
geh bi şoreşê vêdikeve.
vêketim..
jan û şoreş
di pêjna kuştina te de.
birînên te rapelikîn damarên min
tiliyên min ji min ketin
û hêsirê min bi xwîna te re
qîriya.
hejiya dil..
û gund û bajarên te
pijiqîn çavên neyaran.
birînên te gul bûn..
di cendekê te yê sar û vêketî de
birînên te gul bûn..
gulên bi awirê min re diaxivîn
sor digernijîn
sor diqîriyan
sor digiriyan
û helbest di henteşa oxira te
porê xwe bi ser pakrewaniya te de
kur dike
geh bigirî
geh bi şoreşê vêdikeve.
8/10/2011
