Û ez Hemza me


Yasîn Hisên
Amûdê

Ez Hemza me, hûn min nas dikin?
Hemzayê Pêlewan

Kurê Xwedê û Yezdanan…
Tê bîra we…dema hîna we diranê şîrî derdixistin, min ji kezeba xwe dida we?
Tê bîra we…dema min hêsirên xwe dikirine kom û mîna ziryana di çavên celadan de dipijiqand?

Ez payebilindê şehîda me…
Ez birayê pêxembera me…
Ez perîka bi sînga xwe ve vedikim…
Ez du keviran diavêjim çavên qederê…

Ez kovî me…kovî
Min ji guhanê xweyî çar memikî şîrê hilperînê dida we…

Ez hemû Hemzayên dunyayê me…
Cinawer im û tême ser bedena we
Lê…ew bi qurbana cina bin…

Di dema koça gerdena we de
We bi kelogiriyê kezeba min dişweitand…

Ez ji zayendeyên Mezopotamya me…
Û
Temenê min ê qulinga ye…

De bela destê min î hate birîn diyarî Şermola be…
Herdû cavê min ê rijyayî diyarî Dicle û Ferat bin…
Û
Mêraniya min…ew ji mêraniyê dixistin…
Dayika min digot: Kurê min…serê tê diêşe?
Kalikê min çîrokê şoreşên kevn ji min re digotin…
Min jî ji ber çilekiya Guran serê xwe weke şoreşekê danî…

De xwe-nişan-bidin…

Ez bi du şûran şer dikim
Perîkê qulingan ji xwe re dikim berbejn

Hûn dinasin ji paşve rima li min didin
Rima “Wehşî kurê Herb” îro di destên neviyê hovan de ye…
Dema “Hind” kezeba min dixwar
min dizanîbû derdê kezebê çend giran e…

çiye?
Vaye ez hevalên xwe dibînim…ez ê maçî Enya wan bikim
Erê …derba wan di Eniyê de bû…
Ez bi serê wekim
We tiştê wisa berî aniha dîtine?
Em gulan didin destê hev
Em ramûsanan ji hev distînin
Em bi hevre taştê dixun
Em bi hevre dimrin
Em bi hevre distrên
Em bi hev re her sibeh gulberojan kom dikin…
Li Girnîka temaşe dikin
Dastana Gilgamêş dibêjin…
Li bêbextiyan guhdarî dikin
Hîna jî kezeba min dilebite…
Xwîna min germ e…
Dilê min germ e…

Û Ez Hemza me…Hemza…

Ez gelekî bêrya we dikim…

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…