NEXŞÊ JÎNÊ

EMER ISMAÎL

Cenge îro agire , van rihdirêjan gur dikin
Pîle pîlanin dihûnin , xwîna sore fir dikin

Lewlebazin , ceng berazin , sîxuran xurtir dikin

Li welatê rojhilat , sêwiyan ew pir dikin

Ev hezar sale rijêmin her di zorin ser gelan
Nexşê jînê kir ne pîrepind li çavan wer dikin

Kerb û kîna van dumuhran kevelê min tê birîn
Hebs û zindane cihê min , roja min wenda dikin

Ez bi rêkeftim li waran her dipîvim bost bi bost
Ev welatê şîn û şahî , lê tixûban reş dikin

Rêça min şop û gihora şêrgela ne ser çiyan
Her tu cengê j` me dixwazî , lê bi aştî kar dikim

Awirên min çavxizalin , ser çiyan dil sipî dikin
Awirên te yên Guran e dev ji xwînê sor dikin

Qada min tev de dikolin , jê dizê her zîv û zêr
Miletê min birçiye , zarok ji nêza qîr dikin

Ev miletê serbilind îro li çolan der bider
War guhastin bê serî , çûne li Zorava ketin

Bûne sêwî û perîşan in ser delavê qeşmeran
Şev û rojê d`hilweşin , kar û xebatê j`bîr dikin

Eve daxwaza rijîmê vî gelê min bid`ne paş
Maf û armancan nehêlin , çav li ber deryê mezin

Kundê kore l` çar kinara wa dixwînê şev û roj
Ziwa dikin qada me îro , gul ji tihnan va mirin

Gund û bajar kir`ne kavil kaniyên me ziwa dikin
Gawirin îro dizorin vê buharê qirdikin

Bakurê min nale nale , êş û jan va lê civîn
Hilgirin barê xwe îro , dest bi dest kurd perwerin

Bavê Kemal im dibêjim : miletê min raperî
Îro cenge werne qoşmê vê xebatê nû bikin

Vegerin warê xwe îro ey gelê kurdê lehing
Mergê Rovî reve her dem Şêr ji waran narevin

Bimînin darê çinara her li wara serbilind
Zîrevan bin tev li qadê nexşê jînê nû bikin

شارك المقال :

Leave a Reply Cancel reply