De rabin


Salih Cefer

De rabin lo , de rabin lo
çi xewa we girane lo
ci xeweke dirêje lo
bese îdî ev xewa westîyane û bê dawî
vaye hemû dunya rabûye ser piyan
yasemîn daketin hemû bexçeyan
bêhna yasemînan nakin win lo
Serî hildin
De serî hildin lo, de serî  hildin lo
ma ne bese xewa sermedî , ma ne bese  xewa bê xewî
ma xewa we ji xewê têr nebû  lo
vaye têrbûnjî  ji xewa we westîya lo

Hilma yasemînan
Hilma yasemînan bû mêvana  hemû goristanan
û bejna piran  xemilî bi wan lo
tenê goristana we
tenê goristana we, maye cîye strî û mitên çolan û
cîyê bagerok û axa berîyan lo  

axa berîyan lo
de bese lo, de bese lo

Serî rakin
Serî rakin yasemînên Qamişloka razayî
careke din
ji nûde
û bi rengekî din
rabin heyfa xwe hilînin
tolhildana xwe daxin kolanên Binxetê
agirên hestên xwe yasmin bikin lo
gem bikin lo
gur bikin lo
strî û kevir û koçin Binxetê bi yasminkin  lo
bi yasmînkin lo
yasmînan li kolanan biçînin  û
baxek yan qefdek yasmîn  bidin ber dilên dayikin dilşewetî
dayikin ku li hêvîya wê roja pîrozin
roja ku li goristanan û bê tirs
baxek yasmîn li ber serê we deynin lo
li ber serê we deynin lo
li ber serê we deynin lo
11-03-2011

شارك المقال :

Leave a Reply

Your email address will not be published. Required fields are marked *

اقرأ أيضاً ...

Tengezar Marînî

Ji bo em bikaribin pirsan biafirînin, pêdiviye em hişmendiya xwe têxin bin barê lixwevegeranê.

Vê carê bi felsefa civakî re û yek ji wan profesorên Fîlosof ên jin (Hanah Arendt

Teoriyên felsfa Civakî yên Hannah Arendt

Hannah Arendt (1906-1975) teorîzan û fîlozofeke siyasî ya bibandor…

EBDILBAQȊ ELȊ

Avdareke nȗ ȗ rewșȇn dijwar

Dem dibûre û sal li pey salȇ tȇn, sal nȗ dibin, temenê mirov jî bi xwe re kintir û kevintir dike, lȇ mirov tu carȋ ranaweste, hêvî, omȋd û dilxwazî di dil de her dimînin ȗ her ȗ her nȗjen, zindî û…

Narîn Omer

Bi çavên min te nabînin
bi lêvên min te naxwînin
Di dermafên te şaşyar in
xwe yekcarê dixapînin

Nikarim bê te jîndarbim
tenê rûnim tenê rabim
Tuyî mayîn tu jîna min
ji ber mana te vîndar bim

Li gor dana te bêzar im
li ber pesnên te bêzar im
Ziman û ev qelem jar bûn
li şûna…

Rêber Hebûn

Dîwana Sîmirbazî bi şêweyekî zanyarî û wêjeyî hatiye nivîsandin ji aliyê helbestvana Kurdistanî Kubar Hawar.

Ev pirtûka wê ya dûyem e ji weşanên Şilêr e, pirtûk ji 130 rûpelî pêktê, bêgûman ku ev mijar dewlemend e bi raman û şîrovekirinê ji pêşî bi nîşana Sîmirbaz ve destpê…