Şêro DALÎNÎ
Pirs .. û bersiv .
Pirsa min ev bû : tu çi ji min re dibêjê piştî qurimîna çav û hestan ..
Gote min : Bersiva min jî eve : ezê destmaleke sipî bidim destê te
Min got : hewceya wê çiye ?
Gelo ezê li sergovendiya xwe wê bihejînim yan jî hêsirên bê dumahî li pey çûna te pê zuha bikim
Gote min : nizanim ??
Ez mame termekî ji germaya destê wê hingivtî .
Gote min : Bersiva min jî eve : ezê destmaleke sipî bidim destê te
Min got : hewceya wê çiye ?
Gelo ezê li sergovendiya xwe wê bihejînim yan jî hêsirên bê dumahî li pey çûna te pê zuha bikim
Gote min : nizanim ??
Ez mame termekî ji germaya destê wê hingivtî .
MIJÛL
Di her kildaneke çavên te de
Hezar car di şewitin hest
Û min laşê xwe kiriye cila nimêja xwe
Her roj ayeta li laşê te dixwînim .
Hezar car di şewitin hest
Û min laşê xwe kiriye cila nimêja xwe
Her roj ayeta li laşê te dixwînim .
Bi şev
Li cem me ..
gera bi şev qedexe ye û dibe ku ya diza bê ..
di dilê min de heye ku xwe qedexebikim
û bême diziya du lêvên te ..
li ber deriyê mala we ..
di dema razana çav birçiyan de ..
riwê xwe bi boyaxa lêvên te bişom ..
destên xwe bi newqa te ve êsîr bikim ..
hestbikim çendî tu ciwan û nazikî ..
mestbibin û bibin peykerek .
