XEMGÎNÊ REMO
Buharek bi keseran raxistî
Kulîlkên xema
Di dilê min de dibişkivîne
Xewne rojan dike morîk
Û bi gerdena şevê vedike
Şev xatûnek bê denge
Padîşahek çelenge
Ez çendî ji pora wê ya tarî hezdikim
Ku xewnê minî tazî dinixumîne
Keser û xwezîyan
Li hev dibanîne ….
Şev pezkovîyek bi gone
Kelecana hevenda
Di damarê min de dijenîne …
Û heta ku gelawêj hiltê
Ez şopa pêyên te dişopîn
Di berbangê de em pêrgî hevdibin
Tu bi du çavên xewînî
Û ezê sermest
Du ristên lablabkê
Xwe li hev di alînin ….
Memo di xewa xwe de digirnije
Û Siyamend bi hêrs
Tîrê ji kevan radikşîne …
Wê gava ku xew pir şêrîne
Xwedayê hingorê şûrê xwe
Li ser kelaşê helbesta min datîne
Ji xewna xwe hildipekim
Dîsa roj bê mirêze
Û ez tîrek bê amanc
Serê xwe li dîwara dixînim ….
Kelecana hevenda
Di damarê min de dijenîne …
Û heta ku gelawêj hiltê
Ez şopa pêyên te dişopîn
Di berbangê de em pêrgî hevdibin
Tu bi du çavên xewînî
Û ezê sermest
Du ristên lablabkê
Xwe li hev di alînin ….
Memo di xewa xwe de digirnije
Û Siyamend bi hêrs
Tîrê ji kevan radikşîne …
Wê gava ku xew pir şêrîne
Xwedayê hingorê şûrê xwe
Li ser kelaşê helbesta min datîne
Ji xewna xwe hildipekim
Dîsa roj bê mirêze
Û ez tîrek bê amanc
Serê xwe li dîwara dixînim ….
Xanim …!!
Çend buharê min mane
Ku ewjî li ber bareşa herin …?
Dawî ez palê pûş dimînim …
Tê kengî rêka keskesora
Pêş min bikî …?
Ku di buharek ciwan de
Ez bo xwe bikim hêlan
Û xewna dawî
Li nav sitêra bibînim …
Çend buharê min mane
Ku ewjî li ber bareşa herin …?
Dawî ez palê pûş dimînim …
Tê kengî rêka keskesora
Pêş min bikî …?
Ku di buharek ciwan de
Ez bo xwe bikim hêlan
Û xewna dawî
Li nav sitêra bibînim …
Şîrove (0)