Bangek Bi Hêvî..!

Konê Reş

   Ji berî du-sê salan ve, nameyên, tijî dijûn û siqêf, bi navên sexte ji maila min re dihatin şandin. Min, ew di ser guhên xwe davêtin û guh li wan nedikir.. Lê vê paşiyê û bi taybetî piştî koçkirina mamoste Rezoyê Osê, mêze dikim ku êrîşên van mirovan dubare dibe; bi rengekî hovane nameyên tijî kîn, bêbextî û derew ji min re têne şandin û wiha şerê min dibe. Erê şerê min dibe, şerê kesayetiya min dibe, bi zimanê erebî û kurdî nameyên ku kes li xwe danayîne wan bixwîne ji min re dişînin. Nameyên dûrî sinc û exlaqên mirovan..
   Min, malê kesî ne xwariye û ne jî, ziyanê kesî kiriye. We çi bela xwe firotiye min..
   Vêca ez ji wan kesên ku wiha nameyan bo maila min dişînin, hêvî dikim ku, wan nameyên xwe rawestînin, eger tiştek di dilê wan de hebe, wek mêran, bêne rex min, em tekateka hev bibînin û ji hev fam bikin. Bêguman ew kesên ku li dor yekî din bi navê sexte binivîsîne, ew ji bin xwe ve şil e. lewra newêre xwe eşkere bike. Ew jî ji ber du sedeman, yek ji tirsa ye a din ji navê xwe bi fedî ye..
   Eger, zikreşî û çavnebariya nivîsandinê be, dibêjim; Dergehê qada nivîsandinê li ber me tevan vekiriye, kesî bi destê kesî negirtiye, fermo xwe berdinê û wek ku dilê we dixwze, binivîsin.. Gelek babetên hêja hene mirov dikare wan babetan binivîsine. Eger mirov bîr nebe, camêr hene ku şanî wan bidin.. An, eger rexneyên we li dor nivîsên min hebin, fermo wan nivîsan rexne bikin.. Lê yan na, hun doza çi dikin?!
   Xweş bizanibin, wek ku kurdan ji mêj ve gotiye; (Tu çi tovê di xakê de bireşîne, tê berê wî tovî hilîne..) Ew tovê ku ez direşînim, eger xerab be, çak be yê min e. Binirixînin, ser çava, lê çima hun bi bêbextî êrîşî şexsê min dikin..?! Ez ne xwedî hêzim ku ji hêza min bitirsin dimîne a din.. Bawer bikin, sincê min yê netewî rê nade ku li wan vegerînim.. ez ji xwe bawer û pişt rastim ku xizmeta zimanê welatê xwe dikim.
   Bi hêvî me, ji îro û pê de, êdî bes, wek wan nameyan bo maila min bêne şandin û ji niha ve ez spasiya kesên ku wan nameyan rawestînin, dikim û ez bi xêr û hun bi selamet.

Konê Reş

Qamişlo, 14/04/2010

شارك المقال :

Leave a Reply

Your email address will not be published. Required fields are marked *

اقرأ أيضاً ...

Salih Cefer



Qedexebûna zimanê kurdî bi salên dirêj bû sedema paşketina hemû cûreyên wêjeya kurdî û bi taybetî jî ya zaravayê kurmancî.
Tevî ku di van salên dawî de li gelek alîyên Kurdistnê rewşa wêjeya kurdî (kurmancî) bi pêşve çûye jî, lê hîn pêwîstîya bi pêşveçûnên bêtir heye.
Kanîyên pêveçûnê pirin, yek ji wan…

Ebdûlazîz Qasim

 

Ji demê hatina Ehmed El-Şerih li ser desthilata Sûriyê, piştî hilweşîna rejîma Esed di 8ê çileya sala borî de û heta îro, bi carekî rewş û rastiya Sûriyê ya civakî, cugrafî, siyasî, etnîkî û olî tê paşguh xistin, bi taybetî hebûna gelê Kurd bi carekî tê paşguh xistin, her bigire…

Amadekirin û kurmacîkirina tekstên stiranan: Ednan Bedreddin

 

Mezher Xaliqî yek ji navdartirîn hunermendn kurd ên sedsala bîstan e. Ew di sala 1938 an de weke zarokê malbateka kurd a oldar li Sune (Sanandaj) hatiye jiyanê. Behremndiya Xaliqî di warên goranîgotin û werzişê de ji salên dibistana seretayî ve derketine pêş. Her di…

Ebdûlazîz Qasim

Di dîroka navçeyê de, hîç erdnîgariyek bi navê Tirkiyê nîne, û deweta Tirkiya li ser sextkariya dîrokê û talankirin, qirkirina Kurd, Ermen û Yonaniyan û herwiha li ser dagîrkirina beşeke mezin ji xaka kurdistan, Yonanîstan, Qubirstan û Ermenistanê hatiye avakirin.

Projeyên Tirkan her ji destpêka xwe ve û heta…