Helbesta:Besam Mistefa
Bi peyal ên berbang a şîrmij ve Dil ,
Dilê keserzan
Tête şuştin..
Gendî
Gemar û
Guneh
Di noşava tîr a kevnar ya
Elenda nûşiyar de dihilin û
Bi ta yên reşahiya mayî re
Têne rapêçandin
– mînanî masiyên ter di tora Xwedê dikevin-
Elenda nûşiyar de dihilin û
Bi ta yên reşahiya mayî re
Têne rapêçandin
– mînanî masiyên ter di tora Xwedê dikevin-
Berbang e !
Êdî ronahiya çavan zelal dibe û
Di dilê zamdar de
Xewn ji xew radibin
Berbang e !
Li şîn asoyên nepenî
Aso
Aso
Tu zan dibe :
Zamrûtek
Nîsanokeke nû pişkuvî
Gulistêreke temen dirêj
Bi mey û
Xwîn û
Firmêskên berbangê
Xunavgirtî .
Berbang e !
Çivîk
Sivandîlk û
Hechecîkên mala Mizgîn
Mizgînê didin
Bi kulîlk û gulçîçek ên ku bi şebnema
Destêsibê ve
Hatine pakkirin :
Rojeka
Nû
Vaye
Destpê
Kir !..
