Guropa Dêrikê ya çanda kurdî Li ser daxwaza Guropa Dêrikê ya Çanda Kurdî, simînarek rewşenbîrî-ramankêşî di bin nav û nîşanê (( bingeh û peransîpên avakirina ramanek kurdî ya hevdemî )) ji nivîskar û ronakbîrê kurd Hewas Mehmod re, bi amadebûna birek rewşenbîr, siyasetmedar, xemxwar û dilpêşên çanda kurdî,li roja şemiyê 11-11-2006 ê, li bajarê Dêrika Hemko hate girêdan .
Destpêkê rêzdar Hewas Mehmod lêkolîna xwe xwend .
Di lêkolînê de da xuyakirin ku çi miletekê hebê, bindest bê yan jê serdest bê xwedan sîstemeka ramankêşiye, ew sîstema ramankêşî di nava komek ji merc û hewkarên dîrokî, rewşenbîrî, çivakî saykolocî û aborî de tê pêkanîn û herweha da zanîn ku ew sîstema ramankêşî ya hevgirtî li cem kurdan nayê dîtin .
Di peyî re nîşan û dîmenên nedîtin û nependîbûna ramana kurdî ya hevdemî da xuyakirin û pêre egerên wê nedîtinê jî destnîşankir .
Dawiyê bingehê avakirina ramana netewî ya hevdemî di çend xalan de zelalkir.
pişt re dan û standin ji aliyê beşdaran ve li ser naveroka lêkolînê hate kirin .simînar ta derengî şevê vekêşa û lêkolîn bi nêrîn, têbînî û pêşinyarên amadebûyan têr û zengîn bû .
Şîrove (0)