Husên M. Hebeş
Xwîşk û bira
Deriyekî ji pencereyekê hez kir
Piştî demeke dirêj…
Xwestin bizewicin
Çûn ba bijîşk
Xwîna xwe kontirol kirin
Derket ew xwîşk û birayê hev in!
Dar û Gerden
Darekê ji stûyê xwe yê dirêj re
Gerdenekî zêrî xwest
Çivîkên wê deverê
Xwe wek gerdenekî dan berhev
û bi germî xwe xistin stûyê wê.
Dexs
Dareke kin
Bi yeke dirêj re got:
Bes e pirr dirêj nebe
Tu çiqasî dirêj bibî
Serê te nagihîje azmanan.
Dara dirêj xwe xwar kir
û di guhê wê de got:
Êdî bes e dexsa te
Êdî bes e…
Bonn 2009
Şîrove (0)