Ji serhildana 12 ê adarê 2004 û vir de, rîjîma Sûriyê, roj bi roj, bi awayekî hovane bi ser miletê Kurd de tê. Ji bilî rewşa awarte ku zêdeyî çil salî li dare, ji bilî qanûna serjimartinê û pêkanîna pirojeyê Kembera erebî yê nijadperest, dest bi kuştina spî kiriye ku bi Mersûm.49 destpêkir û bi girtina çalakvanên Kurd berdewam dike. Wisa jî bi kirinên xwe yên dijî hemû qanûn û peymanên mafê mirovan. Herweha, bi awayekî xerab, qanûna Sûriyê bixwe binpê dike. Ji bo başkirina şert û mercên girtiyên girtîgeha Edrayê li Şamê, ji 30.10.2009, hejmareke mezin ji girtiyên Kurd, ji endam û hevalbendên Partiya Yekîtiya Demokratîk, dest bi gireva birçîbûnê kirine. Em jî, weku nivîskar, rojnamevan û rewşenbîrên Kurd li derveyî welêt, îro li Komela Kurdên Sûriyê li bajarê Aachen, li Elmanyayê, me gireva birçîbûnê pêk anî, da ku bi dengekî bilind piştgiriya daxwazên girtiyên siyasî yên girtîgeha Edrayê û hemû girtiyên siyasî û girtiyên ramanê yên di zindanên Sûriyê de, bikin. Herwisa em doza çareserkirina pirsgirêka Kurd li Sûriyê dikin.
Em bangî hemû sazî, dezgeh û komeleyên Kurdên Rojava li derveyî welêt dikin ku, bêdeng nemînin û piştgiriya xwe ji bo daxwazên girtiyên Kurd li Edrayê û li hemû girtîgehên Sûriyê nîşan bidin.
Beshdarên chalakiyê:
Helîm Yûsiv
Hêmen Kurdaxî
Ehmed Huseynî
Mîrê Hêka
Elî Cafer
Masûm Dêrikî
Ejder Şêxo
Selahedîn Bîlal
Abbas Abbas
Newaf Xelîl
Şêrwan Ibrahîm
Mizgîn Gemo
Ebdurehman Dêrikî
Ferîdûn Ebbas
Xeyrî Derwêsh
Ebdurehîm Alay
Nezîr Palo
Hisên Hebeş
Aachen:14.11.2009
