Bavê Narîn
bavenarin@hotmail.com
Tiya evînê, ta dikarî dil û cergê min bidoş
Ava jiyanê ger binoşî?fermo ji kan’ya min binoş
Warim ji dildojên evînê re, hemin kanî me ez
Cana’m bese,derdan nekoj,kanî ziwa nabê bi lez
Cana’m bese,derdan nekoj,kanî ziwa nabê bi lez
Hîv im li asmanê evînê, ger bivê ez tê me xwar
Stêran bibarînim, seva te’y reş bikim cejn û bihar
Stêran bibarînim, seva te’y reş bikim cejn û bihar
Derdan ji çavên te bimalim, dûr bixim yara delal
Ma ne mixabin tu nebînî Sorgul û Beybûn û La’l
Ma ne mixabin tu nebînî Sorgul û Beybûn û La’l
Sûndê bi çavên te dixwim,ta ez hebim dê yar tu bî
Eşkenc bi min şêrîn dibe ger hevdem û cinar tu bî
Eşkenc bi min şêrîn dibe ger hevdem û cinar tu bî
Fermo,li ser çav û dilan,çav rênêrîna te dikin
Bax û gulîstanên dilan, bêr’ya cinîna te dikin
Bax û gulîstanên dilan, bêr’ya cinîna te dikin
Gorî te bim, kengî jiyana bê evîn pîroz dibe !?
Xemla biharê bêyî te, kengî li wê Nîroz dibe!?
Xemla biharê bêyî te, kengî li wê Nîroz dibe!?
Xewnin hemû naçin serî pirsê dikim: Cana’m çima?
Dadî ev e ma ey Xweda kolê te bim nêva xema !?
Dadî ev e ma ey Xweda kolê te bim nêva xema !?
Ger rojekê te gote min, nasî di nêva me’d nema
Çêbûm û va dimrim bizan, ku d’nêv dilêm tenha tu ma
Çêbûm û va dimrim bizan, ku d’nêv dilêm tenha tu ma
Şîrove (0)